آواز دی وائس، لکھنو

اتر پردیش میں ایک بار پھر کورونا کے معاملات کو لے کر الرٹ جاری کیا گیا ہے۔ این سی آر کے نوئیڈا، غازی آباد اور ملحقہ اضلاع این سی آر میں کورونا کے نئے کیسز کی شرح میں اضافہ درج کر رہے ہیں۔ کورونا کے بڑھتے کیسز نے لوگوں کی پریشانی میں اضافہ کر دیا ہے۔

خاص طور پر بچوں میں کورونا کے بڑھتے کیسز کو لے کر والدین میں تشویش بڑھ گئی ہے۔ کورونا کے بڑھتے ہوئے کیسز کو دیکھتے ہوئے وزیر اعلیٰ یوگی آدتیہ ناتھ نے عوامی مقامات پر ماسک کو لازمی بنانے کی ہدایت دی ہے۔ وزیراعلیٰ کی ہدایت پر عوامی مقامات پر ماسک لازمی قرار دے دیا گیا ہے۔

اتر پردیش حکومت کے جاری کردہ حکم کے تحت، این سی آر سے جڑے تمام اضلاع میں عوامی مقامات پر ماسک کو لازمی قرار دیا گیا ہے۔ دہلی میں کورونا کیسز بڑھنے کے بعد غازی آباد اور نوئیڈا میں بھی کورونا کیسز بڑھنے لگے۔ بچوں میں کورونا کے بڑھتے کیسز نے لوگوں کی مشکلات میں اضافہ کر دیا۔

غازی آباد اور نوئیڈا میں بچوں کو اسکول بھیجنے کو لے کر والدین کی پریشانی بڑھ گئی ہے۔ ایسے میں کورونا کیسز میں اضافے کے بعد حکومت نے دہلی اور این سی آر سے جڑے اضلاع میں تمام عوامی مقامات پر ماسک کو لازمی قرار دے دیا۔

دارالحکومت لکھنؤ میں بھی عوامی مقامات پر ماسک کو لازمی قرار دیا گیا ہے۔ راجدھانی لکھنؤ میں آر ٹی پی سی آر ٹیسٹ میں کورونا انفیکشن کی شرح بڑھنے کے بعد کانٹریکٹ ٹریسنگ پر زور دیا جا رہا ہے۔

ضلع انتظامیہ نے کووڈ سے متاثرہ علاقوں سے آنے والے لوگوں پر خصوصی نظر رکھنے کا فیصلہ کیا ہے۔ ہریانہ، مہاراشٹر، دہلی، نوئیڈا، غازی آباد اور این سی آر کے دیگر علاقوں میں کورونا کے کیسز دیکھے جا رہے ہیں۔ ان علاقوں سے لکھنؤ آنے والے لوگوں کی جانچ کی جائے گی۔

انتظامیہ کی جانب سے بینکوں، انشورنس، مالیاتی انتظامی اداروں اور بیرون ملک سے آنے والے مسافروں کی خصوصی جانچ کی جائے گی۔ تعلیمی اداروں، کالجوں، یونیورسٹیوں، میڈیکل یونیورسٹیوں اور فیکلٹیز میں فوکس سیمپلنگ کرانے کی ہدایات دی گئی ہیں۔ نوئیڈا ضلع انتظامیہ نے علامات والے بچوں کو اسکول نہ بھیجنے کو کہا ہے۔ انتظامیہ کی جانب سے کہا گیا ہے کہ ابھی تک متاثرہ بچوں کے پھیپھڑوں میں کوئی انفیکشن نہیں پایا گیا ہے۔ بڑھتے ہوئے اعداد و شمار کے پیش نظر محکمہ صحت نے ہدایات جاری کی ہیں کہ اگر کسی طالب علم میں کووڈ کی علامات پائی جائیں تو فوراً محکمہ صحت کو 1800492211 نمبر پر اطلاع دیں۔ تمام اسکولوں اور کالجوں میں ہیلپ ڈیسک کو لازمی قرار دیا گیا ہے۔