نئی دہلی: انتخابی کمیشن نے بہار میں ووٹر لسٹ کے خصوصی جامع نظرثانی کے معاملے پر کانگریس کی مانگ پر بلائی گئی اپوزیشن جماعتوں کے وفد کے ساتھ ہونے والی میٹنگ کو ملتوی کر دیا ہے کیونکہ اب تک کسی بھی پارٹی نے اپنی شرکت کی تصدیق نہیں کی ہے۔

ذرائع نے یہ اطلاع دی۔ ذرائع کے مطابق، 30 جون کو کانگریس کی طرف سے بھیجے گئے ایک ای میل میں کہا گیا تھا کہ ووٹر لسٹ میں ترمیم کی مشق کے سلسلے میں کئی سیاسی جماعتوں کی طرف سے 2 جولائی کو الیکشن کمیشن سے فوری ملاقات کی درخواست کی گئی ہے۔ ذرائع کے مطابق، ای میل میں دعویٰ کیا گیا کہ وہ ایک کثیر الجماعتی وفد کی نمائندگی کر رہے ہیں اور انہوں نے اپوزیشن اتحاد 'انڈیا' میں شامل تقریباً تمام جماعتوں کے نام بھی درج کیے تھے۔

ذرائع نے بتایا کہ کمیشن نے ان جماعتوں سے میٹنگ میں شرکت کی تصدیق کرنے کو کہا تھا، لیکن اب تک کسی بھی جماعت کی طرف سے تصدیق نہیں موصول ہوئی ہے۔ اس لیے یہ میٹنگ ملتوی کر دی گئی ہے۔