گوہاٹی: آسام کے وزیراعلیٰ ہمنتا بسوا سرما نے منگل کے روز کہا کہ آٹھ دراندازوں کو ریاست سے واپس بھیج دیا گیا ہے۔ تاہم، انہوں نے یہ واضح نہیں کیا کہ انہیں کب اور کہاں سے واپس بھیجا گیا۔

وزیراعلیٰ نے سوشل میڈیا پلیٹ فارم ‘ایکس’ (سابقہ ٹوئٹر) پر ایک پوسٹ میں لکھا: دنیا میں سات عجائبات ہیں، اور آٹھواں عجوبہ وہ غیر قانونی درانداز ہیں جو آسام میں داخل ہو کر ہماری زمین پر قبضہ کرنے کی کوشش کر رہے ہیں۔

وزیراعلیٰ نے مشہور مصنف لیوس کیرول کی کتاب ایلس ان ونڈر لینڈ کا حوالہ دیتے ہوئے کہا: "لیکن اچھی خبر یہ ہے کہ ہم ان عجائبات کو آسام میں ادھر اُدھر بھٹکنے نہیں دیں گے۔ ونڈر لینڈ کی آٹھ ایلس کو واپس دھکیل دیا گیا۔ الوداع!"

ریاستی حکومت بنگلہ دیش سے آنے والے غیر قانونی مہاجرین کے خلاف سخت کارروائی کر رہی ہے اور سرحد سے دراندازوں کو واپس دھکیلنے کے لیے اقدامات کر رہی ہے۔