نئی دہلی: کاکروچ جنتا پارٹی (CJP) کی جانب سے ملک گیر احتجاج کی کال کے پیش نظر دہلی یونیورسٹی کے ادیتی مہاودیالیہ اور شیام لال کالج نے طلبہ سے اپیل کی ہے کہ وہ قانون و نظم میں خلل ڈالنے والی کسی بھی سرگرمی سے دور رہیں۔ دونوں اداروں نے مرکزی وزیرِ تعلیم دھرمیندر پردھان کی حمایت بھی کی، جن کے استعفے کا مطالبہ احتجاج کا اہم نکتہ ہے۔

ادیتی مہاودیالیہ کی قائم مقام پرنسپل نیلم راٹھی نے فیس بک پر جاری بیان میں طلبہ سے کہا کہ وہ اپنی توانائیاں تعلیم، تحقیق، اختراع اور تعمیری سرگرمیوں پر صرف کریں۔ انہوں نے طلبہ پر زور دیا کہ وہ پرتشدد احتجاج، توڑ پھوڑ، آتش زنی یا امن و امان میں خلل ڈالنے والی کسی بھی سرگرمی سے گریز کریں۔

ان کے مطابق کسی بھی مسئلے کا حل تشدد نہیں بلکہ مکالمہ، آئینی طریقۂ کار اور پرامن اظہار ہے۔ نیلم راٹھی نے طلبہ سے یہ بھی کہا کہ وہ اپنے خیالات کا اظہار جمہوری اور قانونی طریقوں سے کریں، والدین، اساتذہ اور تعلیمی اداروں کی رہنمائی کا احترام کریں اور سوشل میڈیا پر غیر مصدقہ یا اشتعال انگیز مواد شیئر کرنے سے اجتناب کریں۔ انہوں نے کہا، "آئیے عہد کریں کہ علم ہمارا سب سے بڑا ہتھیار، تعلیم ہمارا اعلیٰ ترین مقصد اور قوم کی تعمیر ہماری ذمہ داری ہوگی۔"

کاکروچ جنتا پارٹی (CJP) کی قیادت میں مظاہرین 20 جون سے دہلی میں نیٹ (NEET) پرچہ لیک معاملے میں جوابدہی اور وزیرِ تعلیم دھرمیندر پردھان کے استعفے کے مطالبے کے لیے دھرنا دیے ہوئے ہیں۔ 20 جولائی کو سی جے پی کی قیادت میں "چلو پارلیمنٹ" مارچ میں ہزاروں افراد شریک ہوئے، جہاں جھڑپوں کے دوران متعدد نے 23 جولائی کو جمعہ کے روز ملک گیر پرامن احتجاج کی اپیل کرتے ہوئے ہر ضلع میں مظاہ مظاہرین اور پولیس اہلکار زخمی ہوئے۔

سی جے پی، جو ابتدا میں ایک آن لائن طنزیہ پلیٹ فارم کے طور پر سامنے آئی تھی، نے 23 جولائی کو جمعہ کے روز ملک گیر پرامن احتجاج کی اپیل کرتے ہوئے ہر ضلع میں مظاہروں کی کال دی۔ دوسری جانب شیام لال کالج نے بھی دھرمیندر پردھان کی حمایت میں پیغام جاری کیا۔

اس سے قبل راجدھانی کالج نے ایسا ہی ایک سوشل میڈیا پوسٹ حذف کرتے ہوئے عوامی معذرت کی تھی اور کہا تھا کہ وہ طلبہ کے ساتھ کھڑا ہے، تاہم شہید بھگت سنگھ کالج سمیت دیگر کالجوں کی جانب سے وزیرِ تعلیم کی حمایت کے پیغامات کا سلسلہ جاری ہے۔