نئی دہلی/ آواز دی وائس
بدھ کی رات دارالحکومت دہلی میں شدید آندھی و طوفان آیا، جس میں ہواؤں کی رفتار 80 کلومیٹر فی گھنٹہ تک پہنچی۔ اس طوفان کے نتیجے میں تین افراد جاں بحق ہو گئے، کئی درخت جڑ سے اکھڑ گئے اور میٹرو خدمات کئی گھنٹوں تک متاثر رہیں۔ ان تیز ہواؤں نے قومی پرچموں کو بھی نقصان پہنچایا۔ دہلی میں بلند مقامات پر نصب 200 ترنگے متاثر ہوئے۔
۔200 ترنگےخراب ہو گئے
اطلاعات کے مطابق دہلی میں 200 ایسے ترنگے ہیں جو بدھ کی آندھی سے خراب ہو گئے۔ اس کے بعد ریخا سرکار نے ایک بڑا قدم اٹھایا ہے۔ اب ان پرچموں کی حفاظت اور دیکھ بھال کے لیے ایک نجی ایجنسی کو مقرر کیا جائے گا، جو 500 مقامات پر بلند پرچموں کی نگرانی کرے گی۔
صرف 20 منٹ کی آندھی، مگر بھاری نقصان
ایک افسر نے بتایا کہ جمعرات کی صبح سے ہی کئی مقامات پر خراب ترنگے بدل دیے گئے ہیں۔ زمین پر 10 ٹیمیں تعینات کی گئی ہیں جو پرچموں کی حالت کا جائزہ لے رہی ہیں۔ آئندہ دو دنوں میں یہ کام مکمل کر لیا جائے گا۔ پی ڈبلیو ڈی نے دو سال کے لیے ایک نجی ایجنسی کو یہ کام دینے کا فیصلہ کیا ہے اور اس کے لیے 27 کروڑ روپے مختص کیے گئے ہیں۔
دیش بھکتی بجٹ' کے تحت لگے تھے بلند ترنگے
دہلی کے مختلف علاقوں میں جو بلند ترنگے لگائے گئے تھے، یہ پچھلی عام آدمی پارٹی کی حکومت کے ’دیش بھکتی بجٹ‘ کا حصہ تھے۔ ان کا مقصد حب الوطنی کا جذبہ جگانا تھا۔ اب ان کی دیکھ بھال حکومت کے لیے ایک بڑا چیلنج بن چکی ہے۔
محکمہ موسمیات کا انتباہ
محکمہ موسمیات نے پیش گوئی کی ہے کہ ہریانہ کے پلول، اورنگ آباد، ہوڈل اور اترپردیش کے جاتاری، خیر، علی گڑھ، نندگاؤں، ایگلاس، برسانہ، رایا، ہاتھرس اور متھرا میں تیز آندھی اور بارش کا امکان ہے۔ اس کے علاوہ بستیوں جیسے امروہہ، رامپور، سنبھل، چاندوسی، جہانگیرآباد، انوپ شہر، بہجویی، بریلی، شکارپور، کھرجہ، پہاسو، ڈبائی، نرورا، گبھانا اور اترولی میں 40 سے 70 کلومیٹر فی گھنٹہ کی رفتار سے ہوائیں چلنے اور بارش کی پیش گوئی کی گئی ہے۔
