ممبئی/ آواز دی وائس

شاہ رخ خان اور ان کی اہلیہ گوری خان قانونی الجھن میں پھنس گئے ہیں۔ ممبئی کے سینئر پولیس افسر سمیر وانکھیڑے نے ان کے خلاف دہلی ہائی کورٹ میں ہتک عزت کا مقدمہ درج کرایا ہے۔ وانکھیڑے کا الزام ہے کہ نیٹ فلکس کی ویب سیریز "بیڈز آف بالی ووڈ" میں ان کی ذاتی اور پیشہ ورانہ شبیہ کو نقصان پہنچایا گیا ہے۔

سابقہ نارکوٹکس افسر سمیر وانکھیڑے نے آریان خان کی ہدایت میں بنی نیٹ فلکس سیریز "دی بیڈز آف بالی ووڈ" میں اپنے کردار کو لے کر، نیٹ فلکس اور شاہ رخ خان کے خلاف دہلی ہائی کورٹ کا دروازہ کھٹکھٹایا ہے۔

ہتک عزت کا مقدمہ

وانکھیڑے نے شاہ رخ خان اور ان کی کمپنی اور "دی بیڈز آف بالی ووڈ" کے پروڈیوسر ریڈ چلیز انٹرٹینمنٹ سے 2 کروڑ روپے ہرجانے کا مطالبہ کیا ہے، جسے وہ کینسر کے مریضوں کے علاج کے لیے ٹاٹا میموریل کینسر اسپتال کو دینے کا دعویٰ کرتے ہیں۔

سمیر وانکھیڑے کا بیان

وانکھیڑے کی جانب سے جاری بیان میں کہا گیا ہے کہ آئی آر ایس افسر سمیر وانکھیڑے نے دہلی ہائی کورٹ میں ہتک عزت کا مقدمہ دائر کیا ہے، جس میں اداکار شاہ رخ خان اور گوری خان کی ملکیت والی ریڈ چلیز انٹرٹینمنٹ پرائیویٹ لمیٹڈ، او ٹی ٹی پلیٹ فارم نیٹ فلکس اور دیگر کے خلاف مستقل اور لازمی حکم امتناعی، اعلان اور ہرجانے کی صورت میں راحت مانگی گئی ہے۔ وہ ریڈ چلیز کی تیار کردہ اور نیٹ فلکس پر نشر ہونے والی اپنی ٹیلی ویژن سیریز "دی بیڈز آف بالی ووڈ" کے حصے کے طور پر دکھائے گئے ایک جھوٹے، بدنیتی پر مبنی اور ہتک آمیز ویڈیو سے دکھی ہیں۔

بیان میں مزید کہا گیا ہے کہ یہ سیریز منشیات کے خلاف عمل کرنے والی ایجنسیوں کی گمراہ کن اور منفی تصویر پیش کرتی ہے، جس سے قانون نافذ کرنے والے اداروں پر عوام کا اعتماد مجروح ہوتا ہے۔