کولکتہ
مغربی بنگال کے اسکول ایجوکیشن ڈیپارٹمنٹ نے تمام اسکولوں کو ہدایت جاری کی ہے کہ پی ایم پونشن کھانے کی تیاری میں تیل اور ایل پی جی کے استعمال میں 10 فیصد کمی کی جائے۔18 مئی 2026 کے ایک سرکاری نوٹ کے مطابق یہ ہدایت ریاستی حکومت کے چیف سیکریٹری کی ہدایات کے بعد جاری کی گئی ہے۔ یہ حکم ضلع مجسٹریٹس، سب ڈویژنل افسران، جی ٹی اے کے تعلیمی شعبے اور کولکاتا پرائمری اسکول کونسل کے چیئرمین کو بھیجا گیا ہے، جس میں کہا گیا ہے کہ پی ایم پونشن کھانے کی تیاری میں کوکنگ آئل اور ایل پی جی کے استعمال میں فوری طور پر 10 فیصد کمی نافذ کی جائے۔
حکومت کی جانب سے پی ایم پونشن کھانے کی تیاری میں 10 فیصد کمی کی سفارش کرتے ہوئے کہا گیا ہے کہ آج کے دور میں بچپن کا موٹاپا ایک بڑھتی ہوئی تشویش ہے۔ پی ایم پونشن اسکیم صحت مند غذائی عادات پیدا کرنے کا ایک بہترین موقع فراہم کرتی ہے، جس کے ذریعے طلبہ کو کم تیل کے استعمال کے ساتھ تازہ اور غذائیت سے بھرپور کھانا تیار کرنے اور کھانے کی ترغیب دی جا سکتی ہے، تاکہ بچوں میں موٹاپے کے مسئلے کو کم کیا جا سکے۔
حکم میں کہا گیا ہے کہ یہ فیصلہ فوری طور پر نافذ العمل ہوگا۔یہ ہدایت وزارتِ تعلیم اور ریاستی اسکول ایجوکیشن ڈیپارٹمنٹ کی جانب سے نافذ کی جا رہی ہے۔ اس کے تحت اسکولوں اور کچن اسٹاف کو ہدایت دی گئی ہے کہ ڈیپ فرائنگ کے بجائے گرلنگ، اسٹیمنگ یا ابالنے جیسے صحت مند طریقۂ پکانے کو اپنایا جائے، اور تیل اور ایل پی جی کے استعمال میں کمی کے حکم پر فوری عمل کیا جائے۔
صحت مند غذائی عادات پر زور دیتے ہوئے حکومت نے کہا ہے کہ طے شدہ غذائی معیار کے مطابق پرائمری طلبہ کے لیے روزانہ 5 گرام اور اپر پرائمری طلبہ کے لیے 7.5 گرام تیل مقرر ہے، جس میں 10 فیصد کمی کو یقینی بنانے کی ہدایت دی گئی ہے۔ حکومت نے کہا کہ طلبہ کی بہتر صحت کے لیے تیل اور ایل پی جی کے استعمال میں 10 فیصد کمی ضروری ہے۔
.webp "بنگال کے مڈ ڈے میل میں تیل اور ایل پی جی میں 10 فیصد کٹوتی ہوگی")
