گاندھی نگر/ آواز دی وائس
گجرات میں بٹ کوائن گھوٹالہ معاملے میں عدالت کا بڑا فیصلہ آیا ہے۔ اس کیس میں سابق رکن اسمبلی نلن کوٹڈیا، امرے لی کے سابق ایس پی جگدیش پٹیل، سابق پولیس انسپکٹر اننت پٹیل اور 14 دیگر ملزمان کو مجرم قرار دیتے ہوئے عمر قید کی سزا سنائی گئی ہے۔ ان سب کے خلاف ہندوستانی تعزیراتِ قانون اور انسدادِ بدعنوانی ایکٹ کی متعلقہ دفعات کے تحت مقدمہ درج کیا گیا تھا۔
یہ معاملہ 2018 کا ہے، جس میں گجرات سیشن عدالت نے تین ماہ تک جاری رہنے والی آخری بحث کے بعد فیصلہ سنایا ہے۔ معاملے کی تفتیش کے دوران حکومت کی جانب سے 172 گواہوں سے پوچھ گچھ کی گئی۔ اس کیس کے اہم ملزمان میں بی جے پی کے سابق رکن اسمبلی نلن کوٹڈیا، اُس وقت کے امریلی ضلع پولیس سپرنٹنڈنٹ جگدیش پٹیل اور اُس وقت کے امریلی ایل سی بی پی آئی اننت پٹیل شامل ہیں۔ اس کے علاوہ وکیل کیتن پٹیل سمیت دیگر افراد کو بھی مجرم قرار دیا گیا ہے۔
شیلش بھٹ کا اغوا
یہ معاملہ بلڈر شیلش بھٹ کے اغوا اور بٹ کوائن ضبطی سے جڑا ہوا ہے۔ اس کیس میں الزام لگا تھا کہ پولیس افسران نے شیلش بھٹ کا اغوا کیا اور انہیں گاندھی نگر لے جاکر ان کے بٹ کوائن چھین لیے۔ اس واقعے میں سابق رکن اسمبلی نلن کوٹڈیا کا نام بھی سامنے آیا تھا۔
جگدیش اور اننت کی شمولیت
تحقیقات کے دوران اُس وقت کے امریلی ایس پی جگدیش پٹیل اور انسپکٹر اننت پٹیل کی شمولیت بھی سامنے آئی تھی۔ تمام شواہد کی بنیاد پر عدالت نے ان 14 لوگوں کو قصوروار ٹھہرایا ہے۔ اس معاملے کی سماعت طویل چلی اور کئی گواہوں سے پوچھ گچھ کی گئی۔ شیلش بھٹ کے وکیل راجیش روپارےلیا نے حکومت کے مقدمے کی حمایت نہیں کی۔
۔172 افراد کی گواہی
اس کیس میں حکومت کے حق میں 172 افراد نے گواہی دی، جبکہ دفاع کی جانب سے صرف ایک گواہ پیش کیا گیا۔ قابل ذکر ہے کہ اس معاملے میں سال 2018 میں الزامات طے کیے گئے تھے۔ آخری بحث تین ماہ تک چلی، جس کے دوران 92 گواہوں نے اپنے بیانات واپس لے لیے۔ تاہم، درخواست گزار شیلش بھٹ کے وکیل راجیش روپارےلیا نے حکومت کے کیس کی تائید نہیں کی۔
