نئی دہلی: سپریم کورٹ نے ماحولیاتی کارکن سونم وانگچک کی قومی سلامتی قانون (راسوکا) کے تحت حراست کے خلاف ان کی اہلیہ گیتانجلی جے انگمو کی جانب سے دائر عرضی کو پیر کے روز نمٹا دیا۔ جسٹس اروِند کمار اور جسٹس پی بی ورالے کی بنچ نے کہا کہ مرکز نے 14 مارچ کو وانگچک کی حراست کا حکم منسوخ کر دیا تھا، اس لیے اب اس معاملے میں کچھ بھی باقی نہیں رہتا۔

اس سے قبل سپریم کورٹ نے مرکز سے سوال کیا تھا کہ وانگچک کی صحت کو مدنظر رکھتے ہوئے کیا ان کی حراست پر دوبارہ غور کیا جا سکتا ہے۔ مرکز نے 14 مارچ کو عدالت کو بتایا کہ لیہ میں پرتشدد مظاہروں کے تقریباً چھ ماہ بعد، وانگچک کی راسوکا کے تحت حراست کو فوری اثر سے ختم کر دیا گیا ہے۔

لیہ میں ہونے والے ان مظاہروں میں چار افراد کی موت ہوئی تھی۔ یہ مظاہرے لداخ کو ریاست کا درجہ دینے اور آئین کی چھٹی شیڈول میں شامل کرنے کے مطالبے کے سلسلے میں ہوئے تھے۔ ان مظاہروں کے دو دن بعد، 26 ستمبر 2025 کو وانگچک کو حراست میں لیا گیا تھا۔ ان مظاہروں میں 22 پولیس اہلکاروں سمیت 45 سے زائد افراد زخمی ہوئے تھے۔