پچھلے مہینے جب راہل گاندھی انڈیا اتحاد کے دیگر ساتھیوں کے ساتھ بہار میں ووٹر ادھیکار یاترا نکال رہے تھے تو اس دوران دربھنگہ میں منعقد پروگرام میں وزیر اعظم مودی اور ان کی والدہ کے بارے میں ناشائستہ زبان استعمال کی گئی تھی۔ اس واقعہ کے بعد بی جے پی نے کانگریس کو آڑے ہاتھوں لیا تھا۔ اس واقعہ کے منظر عام پر آنے کے بعد وزیر اعظم مودی نے بھی کانگریس اور راجد پر تبصرہ کیا تھا۔ انہوں نے کہا تھا کہ میری والدہ اب اس دنیا میں نہیں ہیں۔ سیاست سے کوئی تعلق نہ ہونے کے باوجود میری والدہ کو کانگریس-راجد کے اسٹیج سے گھناؤنی گالیاں دی گئیں۔ یہ انتہائی افسوسناک، تکلیف دہ اور دل دکھانے والی بات ہے۔