وانگ یی نے کہا کہ چین اور ہندوستان دنیا میں سب سے زیادہ آبادی والے ترقی پذیر ممالک اور ابھرتی ہوئی معیشتیں ہیں۔ دونوں ممالک کے تعلقات دو طرفہ دائرہ کار سے باہر ہیں اور ان کی عالمی اہمیت تیزی سے بڑھ رہی ہے۔ میں دونوں ملکوں کے رہنماؤں کے درمیان طے پانے والے اہم اتفاق رائے کو عملی جامہ پہنانے، متعلقہ سرحدی مسائل کو مناسب طریقے سے نمٹانے اور سرحدی علاقوں میں مشترکہ طور پر امن برقرار رکھنے کے لیے اجیت ڈوبھال کے ساتھ کام کرنے کا منتظر ہوں۔