نئی دہلی: کاکروچ جنتا پارٹی (کاجپا) کے کنوینر ابھیجیت دیپکے نے ہفتہ کو مدھیہ پردیش کے بالاگھاٹ ضلع کے قبائلی گاؤں کا دورہ کیا۔ انہوں نے حال ہی میں متعدی بیماریوں کے باعث اپنے بچوں کو کھونے والے خاندانوں سے ملاقات کی اور انتظامیہ سے اس معاملے میں جواب دہی طے کرنے کا مطالبہ کیا۔

دیپکے نے مقامی نوجوانوں کے ساتھ اڈوری، کورکا اور بونداری گاؤں کا دورہ کیا اور وہاں صحت کی سہولتوں کی صورت حال کے ساتھ ساتھ بچوں کی اموات کے حالات کے بارے میں معلومات حاصل کیں۔ ان کا یہ دورہ مدھیہ پردیش ہائی کورٹ کی جانب سے ضلع میں مبینہ طور پر متعدی بیماریوں کے باعث 30 سے زیادہ بچوں کی موت کے معاملے میں ریاستی حکومت کو نوٹس جاری کیے جانے کے چند دن بعد ہوا ہے۔

ایک مفادِ عامہ کی عرضی میں الزام لگایا گیا ہے کہ متاثرہ علاقوں کے اسپتالوں میں مریضوں کی تعداد گنجائش سے زیادہ ہے، پینے کا پانی آلودہ ہے اور بچوں کو مناسب غذائیت نہیں مل رہی ہے۔ دیپکے نے صحافیوں سے کہا، ’’جن خاندانوں نے اپنے بچوں کو کھویا ہے، ان کے تئیں ہماری مکمل ہمدردی ہے اور ہم انہیں انصاف دلانے کے لیے ہر ممکن کوشش کریں گے۔