ملّان پور: کپتان شبھمن گل اور کے ایل راہل کی شاندار سنچریوں کی بدولت ہندوستان نے افغانستان کے خلاف واحد ٹیسٹ میچ کے پہلے دن کھیل ختم ہونے تک 85 اوورز میں 3 وکٹوں کے نقصان پر 368 رنز بنا لیے۔ دن کے اختتام پر شبھمن گل 103 رنز بنا کر ناٹ آؤٹ تھے، جبکہ رشبھ پنت 50 رنز کے ساتھ کریز پر موجود تھے۔

دونوں بلے بازوں نے چوتھی وکٹ کے لیے اب تک 121 رنز کی ناقابلِ شکست شراکت قائم کر رکھی ہے۔ یہ شبھمن گل کی ٹیسٹ کرکٹ میں گیارہویں سنچری ہے۔ دوسری جانب کے ایل راہل نے بھی عمدہ بیٹنگ کا مظاہرہ کرتے ہوئے اپنے ٹیسٹ کیریئر کی بارہویں سنچری مکمل کی، تاہم سنچری کے فوراً بعد آؤٹ ہو گئے۔ بی سائی سدرشن نے بھی 81 رنز کی عمدہ اننگز کھیلی۔

انہوں نے کے ایل راہل کے ساتھ دوسری وکٹ کے لیے 139 رنز کی اہم شراکت قائم کی۔ افغانستان کی جانب سے محمد سلیم سب سے کامیاب بولر رہے، جنہوں نے 67 رنز دے کر 2 وکٹیں حاصل کیں۔ مختصر اسکور درج ذیل ہے ہندوستان: 85 اوورز میں 368/3 (شبھمن گل 103 ناٹ آؤٹ، کے ایل راہل 100، سائی سدرشن 81، رشبھ پنت 50 ناٹ آؤٹ)