نئی دہلی: مرکزی کابینہ نے بدھ کے روز بنیادی ڈھانچے اور صنعتی ترقی کو فروغ دینے کے لیے چار بڑے منصوبوں کی منظوری دی ہے، جن پر کل تقریباً 19,919 کروڑ روپے کی سرمایہ کاری کی جائے گی۔ ان میں سب سے اہم منصوبہ نایاب معدنیاتی مقناطیس (Rare Earth Permanent Magnet) کی پیداوار کے لیے نئی اسکیم ہے، جس کے لیے حکومت نے تقریباً 7,280 کروڑ روپے مختص کیے ہیں۔

یہ رقم پہلے کے متوقع پیکیج 2,500 کروڑ روپے سے تقریباً تین گنا زیادہ ہے۔ یہ اقدام ایسے وقت میں اٹھایا گیا ہے جب چین نے Rare Earth عناصر کی برآمدات پر پابندیاں عائد کر دی ہیں اور دنیا کے تقریباً 60 سے 70 فیصد خام مال اور 90 فیصد پروسیسنگ پر قابض ہے۔

مرکزی حکومت کی اسکیم کا مقصد بھارت میں Rare Earth Permanent Magnets کی پیداوار کے لیے یکجا مینوفیکچرنگ سہولیات قائم کرنا ہے، جس میں Rare Earth آکسائیڈ کو دھاتوں میں، دھاتوں کو الائے میں اور آخر کار الائے کو تیار شدہ مقناطیس میں تبدیل کرنے کی پوری پیداوار شامل ہے۔

منصوبے کی کل مدت سات سال ہوگی، جس میں دو سال مینوفیکچرنگ یونٹ قائم کرنے کے لیے مخصوص ہیں، اور اس کے تحت سالانہ ایک ہزار میٹرک ٹن کی پیداوار اور 1,200 MTPA کی صلاحیت والی یونٹس قائم کی جائیں گی۔ Rare Earth عناصر کا استعمال الیکٹرک گاڑیوں، قابل تجدید توانائی اور دفاعی پیداوار میں انتہائی اہم ہے، لیکن بھارت میں اس شعبے کو محدود فنڈنگ، تکنیکی مہارت کی کمی اور طویل منصوبہ بندی جیسے چیلنجز کا سامنا ہے، اور بغیر سرکاری حمایت کے تجارتی پیداوار عملی طور پر ممکن نہیں۔

ماحولیاتی خطرات کی وجہ سے یہ شعبہ مزید پیچیدہ ہے۔ مالی سال 2023-24 میں بھارت نے 2,270 ٹن Rare Earth دھاتیں اور مرکبات درآمد کیے، جو پچھلے سال سے تقریباً 17 فیصد زیادہ ہیں، اور ان میں سے 65 فیصد سے زیادہ چین سے فراہم کی گئی ہیں۔

اس کے علاوہ مرکزی کابینہ نے پونے میٹرو کی توسیع کے لیے 9,858 کروڑ روپے، دیو بھومی دوارکا (اوکھا)-کنالَس ریلوے لائن کی دوہری کاری کے لیے 1,457 کروڑ روپے اور بدلپور-کارجت تیسری اور چوتھی ریلوے لائن کے لیے 1,324 کروڑ روپے کی منظوری دی ہے۔ یہ اقدامات ملک کے بنیادی ڈھانچے کو مضبوط کرنے اور صنعتی ترقی کو فروغ دینے کے ساتھ ساتھ دفاع، توانائی اور ٹرانسپورٹ کے شعبوں میں بھارت کی خود کفالت کو بڑھانے میں مددگار ثابت ہوں گے۔