آواز دی وائس، کولکاتہ

سی بی آئی مغربی بنگال میں اسمبلی انتخابات کے نتائج کے بعد تشدد کی تحقیقات کر رہی ہے۔

گذشتہ ماہ 19 اگست2021 کو کولکاتہ ہائی کورٹ نے سی بی آئی کو تحقیقات کا حکم دیا تھا اور 6 ہفتوں میں اسٹیٹس رپورٹ پیش کرنے کو کہا تھا ، یعنی سی بی آئی کو 30 ستمبر2021 تک اسٹیٹس رپورٹ ہائی کورٹ میں جمع کرانی ہوگی۔

سی بی آئی نے پہلا کیس 25 اگست 2021 کو درج کیا تھا۔ 

پھر 25 اگست2021 سے 8 ستمبر2021 تک سی بی آئی نے کل 34 مقدمات درج کیے ہیں۔

ان 34 میں سے 22 مقدمات کی ایف آئی آر سی بی آئی کی ویب سائٹ پر اپ لوڈ کی گئی ہے۔

ان 22 میں سے صرف 10 کیسوں میں بی جے پی ، ٹی ایم سی یا سیاسی کا ذکر ہے۔

دوسرے معاملات میں قتل ، حملہ ، دھمکیاں جیسی چیزیں لکھی گئی ہیں ،  تاہم  ان میں سیاست کا کوئی ذکر نہیں ہے۔

خاص بات یہ ہے کہ سی بی آئی نے ہر کیس کی تفتیش ایک مختلف افسر کو سونپی ہے۔

ابھی تک ایک بھی کیس میں افسر کو دہرایا نہیں گیا۔

انسپکٹر لیول سے لے کر ایس پی لیول تک کے افسران تحقیقات میں مصروف ہیں۔