نئی دہلی
وزارت داخلہ نے اسمبلی انتخابات میں ہونے والے تشدد کے پیش نظر سنٹرل آرمڈ پولیس فورس (سی اے پی ایف) کی مزید 71 کمپنیوں کو مغربی بنگال میں تعینات کرنے کا فیصلہ کیا ہے - وزارت داخلہ کی طرف سے یہ اقدامات پرامن اور آزادانہ انتخابات کو یقینی بنانے کی غرض سے اٹھایا گیا ہے ۔
یاد رہے کہ گزشتہ دنوں ریاست مغربی بنگال میں الیکشن کے دوران تشدد کے متعدد واقعات پیش آیے جس کے نتیجے میں کئی اموات بھی ہوئیں- حالات کی سنگینی کو مدنظر رکھتے ہوئے وزارت داخلہ نے الیکشن کمیشن آف انڈیا کی درخواست پر یہ قدم اٹھانے کا فیصلہ کیا ۔
اس سے پہلے مرکز نے مغربی بنگال میں پر امن اور آزادانہ انتخابات کرانے کے لئے پہلے ہی سی اے پی ایف کی 1000 کمپنیاں تعینات کی تھیں ۔ گزشتہ روزمغربی بنگال کے چیف سکریٹری، ہوم سکریٹری اور پولیس ڈائریکٹر جنرل نے اس سلسلے میں وزارت داخلہ کو ایک فیکس بھیجا، جس میں الیکشن کمیشن نے مرکز سے سی اے پی ایف/ ریاستی آرمڈ پولیس (ایس اے پی) / انڈیا ریزرو بٹالین کی مزید 71 کمپنیاں بنگال اسمبلی الیکشن 2021 کے لئے تعینات کرنے کی درخواست کی ہے۔