نئی دہلی: قومی دارالحکومت میں 12 اور 13 ستمبر کو ہونے والے اٹھارہویں برکس سربراہی اجلاس کے پیش نظر دہلی ٹریفک پولیس نے ٹریفک ایڈوائزری جاری کردی ہے۔ اس کے تحت صبح ساڑھے 9 بجے سے رات 9 بجے تک دہلی کے اہم راستوں پر ٹریفک کی نقل و حرکت کو منظم کیا جائے گا اور بعض مقامات پر راستوں میں تبدیلی کی جائے گی۔ٹریفک پولیس نے مسافروں کو مشورہ دیا ہے کہ وہ اپنے سفر کی پہلے سے منصوبہ بندی کریں اور اس دوران سفر کے لیے اضافی وقت رکھیں۔ مسافروں سے کہا گیا ہے کہ جہاں ممکن ہو عوامی ٹرانسپورٹ بالخصوص میٹرو کا استعمال کریں اور مقررہ متبادل راستوں اور ٹریفک اہلکاروں کی ہدایات پر عمل کریں۔

دہلی ٹریفک پولیس نے سماجی رابطے کی ویب سائٹ ایکس پر جاری ایک پیغام میں کہا کہ 12 ستمبر 2026 کو برکس سربراہی اجلاس کے پیش نظر صبح 9 بج کر 30 منٹ سے رات 9 بجے تک دہلی کے اہم راستوں پر ٹریفک کا رخ تبدیل کیا جائے گا اور نقل و حرکت کو منظم کیا جائے گا۔ مسافروں کو سفر کی پیشگی منصوبہ بندی کرنے اور اضافی وقت رکھنے کا مشورہ دیا گیا ہے۔

ایڈوائزری کے مطابق ہنگامی اور ضروری خدمات سے متعلق گاڑیوں کو ترجیحی راستہ فراہم کیا جائے گا۔ ٹریفک پولیس نے مسافروں سے کہا ہے کہ وہ مقررہ متبادل راستوں کا استعمال کریں اور ٹریفک اہلکاروں کی جانب سے جاری ہدایات پر عمل کریں۔دریں اثنا دہلی میٹرو ریل کارپوریشن نے بھی اعلان کیا ہے کہ اتوار 13 ستمبر کو تمام میٹرو لائنوں پر ٹرین خدمات صبح 6 بجے سے شروع ہوں گی۔ یہ فیصلہ امتحانات میں شرکت کرنے والے طلبہ اور عام مسافروں کی بروقت اور آسان آمدورفت کو یقینی بنانے کے لیے کیا گیا ہے۔

دہلی میٹرو ریل کارپوریشن نے ایکس پر جاری پیغام میں کہا کہ 13 ستمبر کو تمام لائنوں پر میٹرو خدمات صبح 6 بجے سے شروع ہوں گی۔ طلبہ اور مسافروں کو مشورہ دیا گیا ہے کہ وہ اسی کے مطابق اپنے سفر کی منصوبہ بندی کریں۔یہ ٹریفک اور میٹرو سے متعلق انتظامات ایسے وقت میں کیے گئے ہیں جب ہندوستان 12 اور 13 ستمبر کو نئی دہلی میں اٹھارہویں برکس سربراہی اجلاس کی میزبانی کررہا ہے۔ ہندوستان کی برکس صدارت کا بنیادی موضوع ’’لچک مضبوط کرنا اختراع تعاون اور پائیداری‘‘ ہے جس میں ترقی پائیداری اور اختراع پر خصوصی توجہ دی جارہی ہے۔