حیدرآباد۔

بی جے پی کے ایم ایل اے راجہ سنگھ ، جو گوشہ محل اسمبلی حلقہ کی نمائندگی کرتے ہیں ، نے ایک بار پھرٹینس کھلاڑی ثانیہ مرزا کو 'پاکستان کی بہو' کہہ کر نشانہ بنایا ہے۔

انہوں نے کہا کہ تلنگانہ کے وزیراعلیٰ چندر شیکھر راؤ بیڈمنٹن اسٹار پی وی سندھو کو برانڈ مقرر کریں۔ ٹوکیو اولمپکس میں سندھو کی جیت کے بعد جاری کی گئی ایک مختصر ویڈیو میں ایم ایل اے نے کہا کہ بیڈمنٹن اسٹار نے اولمپکس میں تمغہ جیت کر ہندوستان کا سر فخر سے بلند کیا ہے۔

ریاست میں کھیلوں کی ترقی کی اہمیت پر زور دیتے ہوئے ، انہوں نے کے سی آر پر زور دیا کہ اس کے لیے خصوصی بجٹ مختص کریں۔ یہ پہلا موقع نہیں ہے ، اس سے پہلے بھی راجہ سنگھ نے پلوامہ حملے کے بعد ثانیہ مرزا کو نشانہ بنایا تھا۔ انہوں نے تلنگانہ کے سی ایم سے کہا تھا کہ وہ ثانیہ مرزا کو ریاست کی برانڈ ایمبیسیڈر کے عہدے سے ہٹا دیں۔

قابل ذکر بات یہ ہے کہ 2014 میں ثانیہ کو تلنگانہ کی برانڈ ایمبیسڈر بنایا گیا تھا۔ دو اولمپک تمغے جیتنے والی پہلی ہندوستانی خاتون کھلاڑی پی وی سندھو نے اتوار کو چین کے ہی بنگ ژاؤ کو شکست دے کر کانسے کا تمغہ جیتا۔ دوسرا اولمپک میڈل جیتنے والی وہ ملک کی دوسری ہندوستانی اور پہلی خاتون ایتھلیٹ بن گئیں۔

وہ بدھ کو حیدرآباد پہنچیں۔ اولمپک تمغہ جیتنے والی کا تلنگانہ کے وزیر کھیل وی سرینواس گوڑ اور دیگر عہدیداروں نے پرتپاک استقبال کیا۔ جبکہ ثانیہ مرزا ٹوکیو اولمپکس کے پہلے راؤنڈ میں ہی باہر ہو گئی ہیں۔ 25 جولائی کو ثانیہ مرزا اور انکیتا رائنا ٹوکیو اولمپکس میں ویمنز ڈبلز ایونٹ کے پہلے راؤنڈ میں باہر ہو گئے۔ وہ یوکرین کی لیوڈمیلا اور نادیہ سے ہار گئں۔