نئی دہلی: اتر پردیش کے بجنور ضلع کے نجیب آباد کوتوالی علاقے میں تیز رفتار کار کی زد میں آنے سے سڑک کنارے بیٹھ کر کھانا کھا رہے تین نوجوانوں کی موقع پر ہی موت ہو گئی۔ پولیس کے ایک افسر نے جمعہ کو یہ اطلاع دی۔ ایڈیشنل سپرنٹنڈنٹ آف پولیس (سٹی) کرشن گوپال سنگھ نے بتایا کہ پنجاب کے تین نوجوان پک اَپ گاڑی سے اتراکھنڈ کے رودرپور سے گھوڑے لے کر پنجاب جا رہے تھے۔

جمعرات اور جمعہ کی درمیانی رات تقریباً ساڑھے 12 بجے وہ نجیب آباد کوتوالی علاقے میں بشیرپور نہر پٹری راستے پر کھانا کھانے کے لیے رکے تھے۔ انہوں نے بتایا کہ سردار مندیپ (25)، ارشد یپ (29) اور گگندیپ (24) اپنی گاڑی سڑک کے کنارے کھڑی کرکے کھانا کھا رہے تھے، اسی دوران ہری دوار کی جانب سے تیز رفتاری سے آنے والی ایک کار نے تینوں کو کچل دیا۔ حادثے میں تینوں کی موقع پر ہی موت ہو گئی۔

پولیس کے مطابق گگندیپ پٹیالہ کا رہنے والا تھا، جبکہ ارشد یپ اور مندیپ فیروزپور کے رہنے والے تھے۔ پولیس نے حادثے میں ملوث کار کو قبضے میں لے لیا ہے، تاہم کار ڈرائیور موقع سے فرار ہونے میں کامیاب رہا۔ اے ایس پی نے بتایا کہ پولیس فرار ڈرائیور کی تلاش کر رہی ہے۔ تینوں لاشوں کو پوسٹ مارٹم کے لیے بھیج دیا گیا ہے اور معاملے میں ضروری قانونی کارروائی کی جا رہی ہے۔