بہار:عالمی امن کانفرنس :مختلف مذاہب کے رہنمائوں نے دیا امن کا پیغام

Story by  غوث سیوانی | Posted by  [email protected] | 1 Years ago
بہار:عالمی امن کانفرنس :  مختلف مذاہب کے رہنمائوں نے دیا امن کا پیغام
بہار:عالمی امن کانفرنس : مختلف مذاہب کے رہنمائوں نے دیا امن کا پیغام

 

گیا(بہار): اجمیر درگاہ کے نائب دیوان اور آل انڈیا صوفی سجادہ نشین کونسل کے چیئرمین سید نصیر الدین چشتی نے گیا (بہار) میں عالمی امن کانفرنس میں کہا کہ عالمی امن میں ہندوستان کا اہم کردار ہے۔ ہندوستان دنیا کا ایک منفرد ملک ہے جہاں بہت سے مذاہب، ذاتیں اور تہذیبیں آباد ہیں اور پھر بھی ہندوستان میں امن اور ہم آہنگی کا کوئی فقدان نہیں ہے۔ ہم واسودیو کٹمبکم پر چلنے والے ہیں، ایسے کئی ممالک ہیں جہاں صرف ایک ہی مذہب مانا جاتا ہے، پھر بھی وہ ملک اندرونی انتشار کا شکار ہے۔ یہ ستم ظریفی ہے کہ ہر ملک امن کی بات کرتا ہے لیکن تباہ کن ہتھیار بنانے کی دوڑ میں لگا ہوا ہے۔

انہوں نے کہا کہ یہ فخر کی بات ہے کہ ہمارے ملک اور ہماری حکومتوں نے اپنے دفاع کے ساتھ ترقی کی راہ کو زیادہ اہمیت دی ہے جس کے نتیجے میں ہمارے ملک نے ایئر بس اور بوئنگ جیسی کمپنیوں کے ساتھ دنیا کے سب سے بڑے معاہدے کیے ہیں۔ جس سے امریکہ جیسے بڑے ممالک میں لاکھوں نوکریاں پیدا ہو رہی ہیں اور ایک اور پڑوسی ملک ہے جس نے صرف اور صرف تباہ کن قاتل پیدا کرنے کی دوڑ میں اپنے ملک کی آبادی کو بھوک کے دہانے پر لا کھڑا کیا ہے۔ ہمیں فخر ہے کہ ہم دنیا کے خوبصورت ترین ملک میں رہتے ہیں جہاں صرف امن اور انسانی اقدار کو اہمیت دی جاتی ہے۔

awaz

آخر میں سید نصیر الدین نے کہا کہ اپنے ملک کے مفاد کو مذہب سے بالاتر رکھنے کی ضرورت ہے اور مذہبی رہنما عوام الناس کے ساتھ ملک کے اتحاد و سالمیت کے لیے اپنا کردار ادا کریں۔ ورلڈ پیس فیسٹیول کے دوسرے روز جمعہ کو مختلف مذاہب کے مذہبی رہنماؤں نے امن، شانگتی، باہمی بھائی چارہ، ہم آہنگی اور محبت کا پیغام دیا۔

awaz

سناتن دھرم سے آچاریہ گوسوامی سشیل، شری سمپورنانند سرسوتی اور پنڈت راماچاریہ جی مہاراج، بدھ مت سے وین پی سیوالی تھیرو اور بھیکھو پرگیادپ، مسلم طبقے سے سید نصیر الدین چشتی اجمیر شریف درگاہ، اطہر خان اور اعجاز احمد اسلم، سکھوں کے جین آچاریہ یوگ بھوشن مہاراج اور سکھوں سے پرمپال سنگھ سبرا اور سردار سورج سنگھ نلوا اور عیسائی طبقے سے ایم ڈی تھامس اور فادر جوئے پلیکل ایس جے وغیرہ نے خطاب کیا

awaz

جبکہ مہمان خصوصی سابق وزیر اعلیٰ جیتن رام مانجھی نے کہا کہ مذہب ہمیشہ نیکی کا راستہ دکھاتا ہے۔ ہر مذہب اپنے آپ میں بہترین ہے۔ کسی کو اپنے مذہب کو اچھا دکھانے کے لیے دوسرے کے مذہب کو برا بھلا نہیں کہنا چاہیے۔ انہوں نے کہا کہ ہمارے مذہب کی خصوصیت ہمارے کردار اور طرز عمل سے ظاہر ہونی چاہیے۔ انہوں نے کہا کہ ہمارا پیغام ہے کہ انسان کے ساتھ انسان کا بھائی چارہ ہونا چاہیے۔

awaz

انہوں نے پیس ایسوسی ایشن آف انڈیا کے اقدام کو سراہا۔ سناتن سے تعلق رکھنے والے آچاریہ گوسوامی سشیل نے کہا کہ وہ ہمیشہ سے گیا آنے میں دلچسپی رکھتے ہیں۔ ایسے میں ورلڈ پیس فیسٹیول میں شرکت کرنا ان کے لیے فخر کی بات ہے۔ جین کے آچاریہ یوگ بھوشن مہاراج نے کہا کہ عدم تشدد نے عالمی امن میں اہم کردار ادا کیا ہے۔ اگر انسان کے اندر عدم تشدد کا جذبہ ہوگا تو انسان میں نفرت کی بجائے باہمی محبت کا جذبہ پروان چڑھے گا۔

awaz

ایسوسی ایشن آف انڈیا کے سکریٹری نے خطبہ استقبالیہ کے ساتھ مہمانوں کا خیر مقدم کیا۔ پروگرام میں مختلف شعبوں میں نمایاں خدمات انجام دینے والے افراد کو شیلڈز اور مومنٹو سے نوازا گیا۔

awaz

انکش بگا ایڈووکیٹ، لال جی پرساد، سابق وارڈ کونسلر سنتوش سنگھ، رنکو سنہا، نواب خان، آصف ظفر، حلیم خان، لال جی پرساد، موتی کریمی، اسد پرویز ، جاوید اختر، فیصل رحمانی، سینڈ آرٹسٹ مدھریندر کمار، حفیظ وغیرہ موجود تھے۔