اگرچہ بہار پولس انڈر سروس کمیشن کے ذریعہ منعقدہ اس انسپکٹر کی بحالی کے امتحان میں خواجہ سراؤں کے لیے پانچ نشستیں مختص کی گئی تھیں، لیکن آخر کار صرف تین افراد کو منتخب کیا گیا۔ بہار ملک کی ان چند ریاستوں میں سے ایک ہے جہاں پولس بھرتی میں خواجہ سراؤں کے لیے مخصوص عہدے ہیں۔ تاہم اس کے پیچھے اس کمیونٹی کے لوگوں کو ایک طویل قانونی جنگ لڑنی پڑی ہے۔ تب ہی انہیں یہ حق ملا۔ اب حکومت نے خواجہ سراؤں کو سرٹیفکیٹ بھی دینا شروع کر دیا ہے جس سے انہیں معاشرے میں اعتماد کے ساتھ جینے کا حوصلہ ملا ہے۔ 

ویرا یادو بمقابلہ بہار حکومت کیس

ویرا یادو بمقابلہ بہار حکومت معاملے میں پٹنہ ہائی کورٹ نے ریاستی حکومت سے صورتحال واضح کرنے کو کہا تھا۔ تب ریاستی حکومت نے ایک حلف نامہ دیا تھا کہ ہر پانچ سو پوسٹوں میں ٹرانس جینڈر کمیونٹی کے لیے ایک عہدہ ریزرو کیا جائے۔ اس کے بعد محکمہ امتناعی میں تقریباً 700 لوگوں کو بحال کیا گیا، جس میں پہلی بار گڑیا کماری کو اس زمرے کے لیے مخصوص عہدے پر منتخب کیا گیا