رامپور: سماج وادی پارٹی کے سینئر رہنما اعظم خان کو رامپور کی ایم پی-ایم ایل اے عدالت نے بڑی راحت دی ہے۔ عدالت نے جمعرات کو انہیں ایک مقدمے میں بری کر دیا۔ یہ مقدمہ بھارتی فوج کے خلاف دیے گئے متنازع بیان کا تھا۔ یہ مقدمہ ان کے خلاف 2017 میں بی جے پی رہنما آکاش سکسینا نے درج کرایا تھا۔

رامپور کی ایم پی-ایم ایل اے اسپیشل کورٹ نے فریقین کی دلائل سننے کے بعد جمعرات کو اپنا فیصلہ سنایا۔ عدالت نے اعظم خان کو فوج کے خلاف متنازع بیان دینے کے مقدمے سے بری کر دیا ہے۔ 2017 میں فوج پر متنازع بیان دینے کے معاملے میں بی جے پی رہنما اور رامپور کے میئر آکاش سکسینا نے رامپور کے سول لائنز پولیس اسٹیشن میں مقدمہ درج کرایا تھا۔

عدالت نے اس معاملے میں فریقین کی دلائل سننے کے بعد فیصلہ محفوظ کر لیا تھا۔