نئی دہلی

نیتی آیوگ کے نو مقرر کردہ نائب صدر اشوک لاہڑی نے ہفتہ کے روز وزیرِ اعظم نریندر مودی سے ملاقات کی۔لاہڑی کو جمعہ کے دن نیتی آیوگ کا نائب صدر مقرر کیا گیا۔ اس کے ساتھ ہی سائنس دان گووردھن داس کو نیتی آیوگ کا رکن بنایا گیا ہے۔ وزیرِ اعظم نیتی آیوگ کے چیئرمین ہوتے ہیں۔

فی الحال مغربی بنگال میں بی جے پی کے رکنِ اسمبلی لاہڑی، حکومتِ ہند کے سابق چیف اقتصادی مشیر اور پندرہویں مالیاتی کمیشن کے رکن بھی رہ چکے ہیں۔داس نے نیتی آیوگ کا رکن مقرر کیے جانے پر وزیرِ اعظم کا شکریہ ادا کیا۔انہوں نے ‘ایکس’ پر ایک پوسٹ میں کہا کہ آج میری زندگی کا بہت اہم دن ہے۔ میں مغربی بنگال کے ایک دور دراز گاؤں کے دلت طبقے سے تعلق رکھنے والے ایک عام کسان خاندان کا بیٹا ہوں۔ بچپن سے ہی مٹی کی خوشبو، محنت کی قدر اور جدوجہد کی حقیقت میری زندگی کا بنیادی حصہ رہی ہے۔

داس نے کہا کہ یہ ذمہ داری میرے لیے صرف ایک عہدہ نہیں ہے بلکہ یہ مجھ جیسے بے شمار عام لوگوں کے خوابوں، امیدوں اور اعتماد کی عکاسی ہے۔