نئی دہلی
آل انڈیا مجلس اتحاد المسلمین (اے آئی ایم آئی ایم) کے صدر اور حیدرآباد کے رکن پارلیمنٹ صدر اسدالدین اویسی نے چھترپتی شیواجی مہاراج کو ان کی یوم پیدائش کے موقع پر خراج تحسین پیش کی ہے۔ اپنے ٹویٹر اکاؤنٹ پر انہوں نے لکھا کہ سترہویں صدی کے مراٹھا کنگ چاندی کے چمچ کے ساتھ پیدا نہیں ہوئے تھے اور اپنے پورے دور میں انہوں نے کمزور ترین طبقے کو گلے لگایا۔
#Shivaji was not born with a silver spoon & throughout his rule, he embraced the weakest of the weak. A thousand tributes to 'Kulwadi Bhushan' Chhatrapati Shivaji on the occasion of #ShivajiJayanthi pic.twitter.com/wkqFVTh0NS
— Asaduddin Owaisi (@asadowaisi) February 19, 2021انہوں نے یہ بھی لکھا کے شیواجی جینتی کے موقع پر کلواڑی بھوشن چھتراپتی شیواجی کو ایک ہزار خراج تحسین ٹویٹ میں رکن پارلیمنٹ نے اپنی ویڈیو بھی شیئر کی ہے جس میں انھوں نے ان مسلمانوں کے نام کا ذکر کیا جو مراٹھا سلطنت کا حصہ تھے - اس طرح انہوں نے باالواسطہ طور پر دائیں بازو کے نظریاتی لوگوں کو تنقید کا نشانہ بنایا ہے ۔ ویڈیو میں ، انہوں نے کہا کہ دولت خان شیواجی کے دور میں نیوی کے ایک حصے کے انچارج تھے۔ سدھی ہلال وہ تھے جنھوں نے شیواجی کی حمایت میں جدوجہد کی تھی۔
انہوں نے یہ بھی کہا کہ چھترپتی یعقوب بابا کی تعریف کرتے تھے جو صوفی کے نام سے مشہور تھے۔ انہیں یہ کہتے ہوئے بھی سنا جاسکتا ہے کہ شیواجی دلتوں کے قریب تھے۔ تاہم اب جو لوگ اپنے آپ کو شیواجی کا پیروکار کہتے ہیں وہ مہاراشٹر میں دلت مظالم روکنے کے قانون کو ختم کرنا چاہتے ہیں۔ مہاراشٹر سے اے آئی ایم آئی ایم کے دو ایم ایل اے اور ایک ممبر پارلیمنٹ ہیں۔