نئی دہلی / آواز دی وائس
ایپل ہندوستان میں اپنے ریٹیل نیٹ ورک کو لگاتار بڑھا رہا ہے اور اسی سلسلے میں کمپنی نے بڑا اعلان کیا ہے۔ 4 ستمبر کو ایپل پونے میں اپنا نیا ریٹیل اسٹور کھولنے جا رہا ہے۔ یہ اسٹور پونے کے کوریگاؤں پارک علاقے میں ہوگا اور خاص بات یہ ہے کہ یہ ملک میں کمپنی کا چوتھا ریٹیل آؤٹ لیٹ ہوگا۔
دہلی، ممبئی کے بعد اب پونے اور بینگلورو میں کھلیں گے نئے اسٹور
ایپل پہلے ہی دہلی اور ممبئی میں اپنے فلیگ شپ اسٹور کھول چکا ہے۔ اب کمپنی 2 ستمبر کو بینگلورو کے ہیبّل میں اور 4 ستمبر کو پونے کے کوریگاؤں پارک میں نئے اسٹور لانچ کرے گی۔ یعنی کچھ ہی دنوں میں ہندوستان کے ٹیک یوزرز کو دو نئے ایپل اسٹور کا تجربہ ملنے والا ہے۔
کمپنی کا کہنا ہے کہ ان نئے اسٹورز میں کسٹمر ایپل پروڈکٹس کو قریب سے جان سکیں گے، انہیں خرید سکیں گے اور پرسنلائزڈ سروس کا فائدہ اٹھا سکیں گے۔ یہاں پر ایپل کے ایکسپرٹس، کری ایٹو ٹیم اور جینیئس بار موجود ہوں گے جو ہر طرح کی مدد فراہم کریں گے۔ اس کے علاوہ بزنس کسٹمرز کے لیے بھی الگ سپورٹ ٹیم ہوگی۔
گاہک ان اسٹورز پر "ٹوڈے ایٹ ایپل " سیشن میں بھی حصہ لے سکیں گے۔ یہ سیشن خاص طور پر لوگوں کو فوٹوگرافی، میوزک، آرٹ اور کوڈنگ جیسی اسکلز سکھانے کے لیے ڈیزائن کیے گئے ہیں۔ یعنی نئے یوزر ڈیوائس کا بیسک استعمال سیکھ سکتے ہیں اور ایڈوانس یوزر اپنی اسکلز کو مزید آگے بڑھا سکتے ہیں۔
لانچ سے پہلے خاص آفر
پونے اسٹور کے لانچ سے پہلے ایپل نے گاہکوں کو خاص تحفہ بھی دیا ہے۔ لوگ ایپل کوریگاؤں پارک کا اسپیشل وال پیپر ڈاؤن لوڈ کر سکتے ہیں اور ساتھ ہی پُنے کی میوزک سے متاثر ایپل میوزک پلے لسٹ بھی سن سکتے ہیں۔ اس سے یوزرز کو نئے اسٹور کے ماحول اور کلچر کا احساس ہوگا۔
ہندوستان میں بڑھتی مینوفیکچرنگ
ایپل صرف ریٹیل نیٹ ورک ہی نہیں بڑھا رہا بلکہ ہندوستان میں مینوفیکچرنگ کو بھی نئی اونچائی پر لے جا رہا ہے۔ کمپنی نے اعلان کیا ہے کہ آنے والی آئی فون 17 سیریز کے تمام ماڈل، جن میں ہائی اینڈ پرو ورژن بھی شامل ہوگا، شروعات سے ہی ہندوستان میں اسمبل کیے جائیں گے۔ یہ پہلا موقع ہوگا جب ایپل ہر نئے آئی فون ویرینٹ کی پروڈکشن ہندوستان میں کرے گا۔
