علی گڑھ : علی گڑھ مسلم یونیورسٹی کے پرو وائس چانسلر پروفیسر ایم محسن خان نے جواہر لعل نہرو میڈیکل کالج میں جدید طبی سہولیات کا افتتاح کیا جس میں جدید ترین پلازما اسٹرلائزر رین بسیرا اور چیف میڈیکل سپرنٹنڈنٹ کے دفتر میں نیا تزئین شدہ میٹنگ روم شامل ہے افتتاحی تقریب میں یونیورسٹی اور میڈیکل کالج کے سینئر عہدیداران اور اساتذہ شریک ہوئے جن میں رجسٹرار ڈین فیکلٹی آف میڈیسن پرنسپل و چیف میڈیکل سپرنٹنڈنٹ میڈیکل سپرنٹنڈنٹس فنانس آفیسر اور سینئر نرسنگ افسران شامل تھے

اس اقدام کے تحت اسپتال میں جدید پلازما اسٹرلائزر RL 100 کو فعال کیا گیا ہے جو انفیکشن کنٹرول کو مضبوط بنانے اور مریضوں کی حفاظت کو بہتر بنانے میں اہم کردار ادا کرے گا یہ نظام کم درجہ حرارت پر ہائیڈروجن پر آکسائیڈ کے بخارات کو پلازما میں تبدیل کر کے حرارت سے حساس طبی آلات کو محفوظ طریقے سے جراثیم سے پاک کرتا ہے جس سے کسی مضر کیمیائی اثر کے بغیر جراثیم کا خاتمہ ممکن ہوتا ہے یہ ٹکنالوجی تیز محفوظ اور مؤثر ہے اور نازک جراحی آلات اینڈوسکوپس فائبر آپٹک آلات اور روبوٹک ٹولز کے لیے خاص طور پر موزوں ہے اس کے ساتھ ساتھ نئے رین بسیرے میں مریضوں کے تیمارداروں کے لیے رہائشی سہولت فراہم کی گئی ہے جہاں 100 سے 150 افراد کے قیام کا انتظام ہوگا جبکہ سی ایم ایس دفتر میں نیا میٹنگ روم انتظامی امور اور میٹنگوں کے لیے ایک جدید اور موزوں ماحول فراہم کرے گا