پونے:مرکزی وزیر داخلہ امت شاہ نے ہفتہ کے روز پونے میں قومی سلامتی کے مشیر اجیت ڈوبھال کو باوقار لوکمانیہ تلک قومی ایوارڈ پیش کیا۔تلک اسمارک ٹرسٹ کے مطابق اجیت ڈوبھال کو قومی سلامتی کے شعبے میں ان کی غیر معمولی خدمات کے اعتراف میں اس اعزاز کے لیے منتخب کیا گیا ہے۔81 سالہ اجیت ڈوبھال نے میزورم۔ سکم۔ پنجاب اور جموں و کشمیر جیسے حساس علاقوں میں اہم ذمہ داریاں انجام دی ہیں۔ وہ اسلام آباد اور لندن میں ہندوستانی سفارتی مشنوں میں بھی خدمات انجام دے چکے ہیں۔اجیت ڈوبھال ہندوستان کے سب سے طویل عرصے تک خدمات انجام دینے والے قومی سلامتی کے مشیر ہیں۔ وہ ہندستان اور چین کے درمیان سرحدی مذاکرات کے لیے خصوصی نمائندے بھی رہے ہیں۔ ڈوکلام تنازع کے حل کے لیے سفارتی کوششوں میں بھی ان کا اہم کردار مانا جاتا ہے۔

امت شاہ نے اجیت ڈوبھال کو "پیدائشی محب وطن" قرار دیا

تقریب سے خطاب کرتے ہوئے مرکزی وزیر داخلہ امت شاہ نے لوکمانیہ بال گنگا دھر تلک اور لوک شاہر انا بھاؤ ساٹھے کی خدمات کو خراج عقیدت پیش کیا۔ انہوں نے اجیت ڈوبھال اور لوکمانیہ تلک کی شخصیات میں کئی مماثلتوں کا بھی ذکر کیا۔امت شاہ نے کہا کہ وہ گجرات کے وزیر داخلہ رہنے کے زمانے سے اجیت ڈوبھال کو جانتے ہیں اور وہ ایک پیدائشی محب وطن ہیں۔اپنے تقریباً 45 منٹ کے خطاب میں امت شاہ نے اجیت ڈوبھال کی غیر معمولی خدمات کو بھرپور انداز میں سراہا۔ انہوں نے دو سے تین مرتبہ زور دے کر کہا۔جس طرح آپ سب نے انہیں اس اعزاز کے لیے منتخب کر کے خوشی محسوس کی ہے اسی طرح مجھے بھی اجیت ڈوبھال کو یہ ایوارڈ پیش کرتے ہوئے بے حد خوشی ہو رہی ہے۔امت شاہ نے کہا کہ 2014 میں اقتدار سنبھالنے کے بعد وزیر اعظم نریندر مودی کی پہلی اہم تقرری اجیت ڈوبھال کو قومی سلامتی کا مشیر مقرر کرنا تھی۔ ان کے مطابق یہی فیصلہ اس بات کا ثبوت ہے کہ ملک کے لیے اجیت ڈوبھال کی خدمات کتنی اہم رہی ہیں۔انہوں نے کہا کہ اجیت ڈوبھال اس عہدے پر سب سے طویل مدت تک خدمات انجام دینے والے قومی سلامتی کے مشیر ہیں۔ امت شاہ نے ان کی درازیٔ عمر کی دعا کرتے ہوئے کہا کہ وہ سو برس کی عمر تک صحت اور توانائی کے ساتھ ملک کی خدمت کرتے رہیں۔

लोकमान्य टिळक स्मारक ट्रस्टच्या वतीनं दिला जाणारा यावर्षीचा प्रतिष्ठेचा लोकमान्य टिळक राष्ट्रीय पुरस्कार केंद्रीय गृहमंत्री अमित शहा यांच्या हस्ते राष्ट्रीय सुरक्षा सल्लागार अजित डोवाल यांना प्रदान.

यावेळी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री… pic.twitter.com/NEXtaXDvkn

— DD Sahyadri News | सह्याद्री बातम्या (@ddsahyadrinews) August 1, 2026

لوکمانیہ تلک قومی ایوارڈ کا آغاز 1983 میں کیا گیا تھا۔ اس ایوارڈ سے سب سے پہلے سوشلسٹ رہنما ایس ایم جوشی کو نوازا گیا تھا۔یہ ایوارڈ ہر سال یکم اگست کو آزادی کے عظیم مجاہد لوکمانیہ بال گنگا دھر تلک کی برسی کے موقع پر ایسے افراد کو دیا جاتا ہے جنہوں نے ملک کی ترقی اور قومی تعمیر میں نمایاں خدمات انجام دی ہوں۔ 

سیاسی رہنماؤں کی جانب سے اجیت ڈوبھال کی خدمات کو خراج تحسین

تقریب سے خطاب کرتے ہوئے مہاراشٹر کے وزیر اعلیٰ ایکناتھ شندے نے اجیت ڈوبھال کی خدمات کو سراہتے ہوئے کہا۔جیمز بانڈ کا لقب اب پرانا ہو چکا ہے۔ اجیت ڈوبھال ملک کے ایسے ماہر حکمت عملی ہیں جو اس سے کہیں آگے ہیں۔نائب وزیر اعلیٰ دیویندر فڑنویس نے بھی اجیت ڈوبھال کے طویل کیریئر کی تعریف کرتے ہوئے کہا کہ ان کے دور میں ملک کو دفاعی حکمت عملی کا ایک نیا نظام اور نیا نظریہ ملا جس نے قومی سلامتی کے نقطۂ نظر کو نئی سمت دی۔رکن پارلیمنٹ سپریا سولے نے بھی اجیت ڈوبھال کی خدمات کو سراہتے ہوئے انہیں ملک کے لیے ایک اہم سرمایہ قرار دیا۔تلک اسمارک ٹرسٹ کے رکن روہت تلک نے تقریب سے خطاب کرتے ہوئے کہا کہ ی لوگ شاید یہ سمجھیں کہ ہم نے فلم 'دھرندھر' دیکھنے کے بعد یہ فیصلہ کیا ہے۔ لیکن حقیقت یہ ہے کہ اجیت ڈوبھال کی خدمات بے حد وسیع ہیں اور ہم انہیں بہت طویل عرصے سے جانتے ہیں۔ ہمیں ان کو یہ اعزاز پیش کرنے پر فخر ہے۔ وہ لوکمانیہ تلک ایوارڈ کے حقیقی مستحق ہیں اور ہمیں بے حد خوشی ہے کہ انہوں نے اس اعزاز کو قبول کیا۔

VIDEO | Pune: NSA Ajit Doval receives Lokmanya Tilak National Award 2026. Speaking on the occasion, he says, "I share a small connection with Pune. About 76 years ago, I came to this city when my father was posted here with the Army. Perhaps very few people in this hall today… pic.twitter.com/dIZS8kqvmB

— Press Trust of India (@PTI_News) August 1, 2026

اجیت ڈوبھال نے کہا کہ ۔۔۔

 لوکمانیہ تلک قومی ایوارڈ قبول کرنے کے بعد اجیت ڈوبھال نے پونے کے عوام۔ تلک اسمارک سمیتی اور روہت تلک کا شکریہ ادا کیا۔انہوں نے پونے میں گزارے گئے اپنے ابتدائی ڈیڑھ سے دو برس کی یادیں تازہ کرتے ہوئے کہا کہ اسی دوران انہیں لوکمانیہ تلک کی عظیم خدمات کا حقیقی اندازہ ہوا۔ انہوں نے کہا کہ 76 سال بعد اسی شہر میں لوکمانیہ تلک کے نام سے قائم ایوارڈ حاصل کرنا ان کے لیے ایک غیر معمولی اتفاق ہے۔

 اجیت ڈوبھال نے تقریب سے خطاب کرتے ہوئے کہا کہ میرا پونے سے ایک چھوٹا سا تعلق بھی رہا ہے۔ آج سے تقریباً 76 سال پہلے میں اس شہر میں آیا تھا جب میرے والد فوج میں تعینات تھے۔ شاید اس ہال میں آج بہت کم لوگ ایسے ہوں گے جو اس زمانے میں پونے میں موجود رہے ہوں۔میں جب یہاں آیا تو میری ابتدائی تعلیم کا آغاز بھی یہیں سے ہوا۔ میں تقریباً ایک سے ڈیڑھ سال تک پونے میں رہا۔ اس کے بعد میرے والد کا تبادلہ دہلی میں فوج کے ہیڈکوارٹر ہو گیا۔اس دور کی بہت سی باتیں تو مجھے یاد نہیں رہیں لیکن دو یادیں آج بھی بالکل تازہ ہیں۔پہلی یاد یہ ہے کہ ہر منگل میری والدہ مجھے چترشرنگی مندر لے جایا کرتی تھیں۔ وہاں دیوی کو دیگر نذرانوں کے ساتھ ایک موٹی اور میٹھی روٹی بطور نذرانہ پیش کی جاتی تھی۔ گھر واپس آنے کے بعد ہم وہ پرساد کھاتے تھے جو مجھے بہت پسند تھا۔ میری والدہ کی اس مندر سے گہری عقیدت تھی۔ 

دوسری یاد میرے اسکول کی ہے۔ وہاں صبح کی دعا کے بعد روزانہ ایک اجتماع ہوتا تھا۔ اس اجتماع میں کوئی سینئر استاد 10 سے 15 منٹ تک اخلاقیات۔ عظیم شخصیات کی زندگی۔ طلبہ کی ذمہ داریوں یا دیگر سبق آموز موضوعات پر گفتگو کرتے تھے۔ہمارے ایک ہندی استاد نہایت اچھے مقرر تھے۔ ایک دن انہوں نے بال گنگا دھر تلک کی زندگی پر خطاب کیا۔ یہی وہ موقع تھا جب تقریباً 5 سال کی عمر میں پہلی بار میرا تعارف لوکمانیہ تلک سے ہوا۔ بعد میں اسی نے ان کی شخصیت اور پونے میں ان کی زندگی کے بارے میں مزید جاننے کا شوق پیدا کیا۔میں نے کبھی تصور بھی نہیں کیا تھا کہ 76 سال بعد اسی شہر میں واپس آ کر مجھے ان کی یاد میں قائم کیا گیا ایوارڈ حاصل کرنے کا اعزاز ملے گا۔ یہ واقعی میری خوش قسمتی ہے۔"

گزشتہ برسوں میں یہ اعزاز وزیر اعظم نریندر مودی۔ سابق وزرائے اعظم اٹل بہاری واجپئی۔ منموہن سنگھ اور اندرا گاندھی۔ سابق صدر پرنب مکھرجی اور سینئر سیاست دان شرد پوار سمیت کئی ممتاز شخصیات کو دیا جا چکا ہے۔دریں اثنا امت شاہ نے پونے کے دورے کے دوران معروف مراٹھی شاعر اور سماجی مصلح لوک شاہر انا بھاؤ ساٹھے کی یوم پیدائش پر انہیں خراج عقیدت بھی پیش کیا۔اس موقع پر مہاراشٹر کے وزیر اعلیٰ دیویندر فڑنویس۔ نائب وزرائے اعلیٰ ایکناتھ شندے اور سنیترا پوار بھی موجود تھے۔ انہوں نے سرسباغ علاقے میں واقع انا بھاؤ ساٹھے کے مجسمے پر گل پیش کیے۔ اس موقع پر متعدد مقامی رہنما اور معزز شخصیات بھی شریک رہیں۔انا بھاؤ ساٹھے یکم اگست 1920 کو پیدا ہوئے تھے۔ وہ مہاراشٹر کے ممتاز سماجی مصلح۔ عوامی شاعر اور دلت ادب کے بانیوں میں شمار کیے جاتے ہیں۔