نئی دہلی : ہندوستان نے منگل کے روز امریکہ اور ایران کے درمیان طے پانے والی مفاہمتی یادداشت  کا خیرمقدم کیا۔ قومی سلامتی کے مشیر اجیت ڈوبھال نے معاہدے اور اس کے علاقائی استحکام، توانائی کے تحفظ اور عالمی تجارت پر ممکنہ اثرات کے حوالے سے ’’محتاط امید‘‘ کا اظہار کیا۔

برکس کے قومی سلامتی کے مشیروں کے 16ویں اجلاس سے خطاب کرتے ہوئے اجیت ڈوبھال نے کہا کہ ’’ہندوستانامریکہ اور ایران کے درمیان طے پانے والی مفاہمتی یادداشت کا خیرمقدم کرتا ہے۔ ہمیں محتاط امید ہے اور ہم توقع کرتے ہیں کہ یہ کامیاب ہوگی۔ اس سے توانائی کے تحفظ کو تقویت ملے گی۔ آبنائے ہرمز کا کھلنا ایک انتہائی خوش آئند پیش رفت ہے۔‘‘

❗📹 At BRICS Keynote, NSA Ajit Doval Welcomes US-Iran MoU: “We Hope It Works”

He expressed optimism that it will support energy security and the safe movement of commercial shipping through the Strait of Hormuz. pic.twitter.com/qt1df6vJGb

— RT_India (@RT_India_news) June 23, 2026

برکس ممالک کے قومی سلامتی مشیروں کے اجلاس سے خطاب کرتے ہوئے ہندوستان کے قومی سلامتی مشیر اجیت ڈوبھال نے کہا کہ غیر روایتی سکیورٹی خطرات روایتی دفاعی اقدامات سے آگے نکل چکے ہیں اور ان سے نمٹنے کے لیے نئی حکمت عملی کی ضرورت ہے۔اجیت ڈوبھال نے کہا کہ سائبر خطرات اور دہشت گردی کی نئی اور پیچیدہ شکلوں نے سرحدوں سے ماورا چیلنجز پیدا کر دیے ہیں جن سے نمٹنے کے لیے عالمی سطح پر مشترکہ کوششوں کی ضرورت ہے۔

انہوں نے کہا:"ہمیں نئے سکیورٹی خطرات اور چیلنجز سے پوری طرح آگاہ رہنے کی ضرورت ہے۔ غیر روایتی خطرات قومی سرحدوں سے تجاوز کر چکے ہیں اور انہوں نے روایتی ردعمل کو ناکام بنانے والے طریقے اختیار کر لیے ہیں۔ جدید اور خلل ڈالنے والی ٹیکنالوجیز دہشت گردی کی زیادہ پوشیدہ شکلیں اور سائبر خطرات ایک ایسی دنیا میں اہم خطرہ بن چکے ہیں جو تیزی سے ڈیجیٹل ہو رہی ہے۔ آج ہم اپنی اجتماعی مشاورت میں انہی غیر روایتی سکیورٹی چیلنجز پر غور کریں گے۔"

ڈوبھال نے بتایا کہ اجلاس میں دہشت گردی کے انسداد اور اطلاعاتی و مواصلاتی ٹیکنالوجی کے محفوظ استعمال سے متعلق برکس کے دو مشترکہ ورکنگ گروپس کی سفارشات اور نتائج پر بھی تبادلہ خیال کیا جائے گا۔

انہوں نے کہا کہ ہم دہشت گردی کے خلاف برکس کے دو مشترکہ ورکنگ گروپس اور اطلاعاتی و مواصلاتی ٹیکنالوجی کے محفوظ استعمال سے متعلق امور پر بھی گفتگو کریں گے۔ میں تمام شرکاء کی قیمتی آرا کا منتظر ہوں۔"

اس سے قبل اجیت ڈوبھال نے برکس کو ایک "انتہائی اہم اتحاد" قرار دیتے ہوئے کہا کہ رکن اور شراکت دار ممالک کی معیشتیں عالمی منظرنامے میں ایک منفرد کردار ادا کر سکتی ہیں۔انہوں نے کہا کہ موجودہ اجلاس ایسے وقت میں منعقد ہو رہا ہے جب دنیا جغرافیائی سیاسی غیر یقینی صورتحال فوجی تنازعات معاشی دباؤ اور تیزی سے بدلتی ہوئی ٹیکنالوجی جیسے چیلنجز کا سامنا کر رہی ہے۔

ڈوبھال نے کہا:"ہم ایک انتہائی ہنگامہ خیز دور میں ملاقات کر رہے ہیں۔ دنیا فوجی تنازعات اور پیچیدہ سکیورٹی مسائل میں گھری ہوئی ہے۔ جغرافیائی سیاسی غیر یقینی صورتحال معاشی دباؤ اور نئی ٹیکنالوجیز کے باعث چیلنجز بڑھ رہے ہیں۔ نہ صرف خطرات میں اضافہ ہو رہا ہے بلکہ انہیں حل کرنے کے لیے موجود ادارہ جاتی نظام بھی ناکافی ثابت ہو رہے ہیں۔ کثیرالجہتی نظام کمزور پڑ رہا ہے۔"

برکس کے عالمی کردار پر زور دیتے ہوئے انہوں نے کہا کہ اس اتحاد کا قیام ابھرتی ہوئی معیشتوں کے درمیان تعاون کو فروغ دینے اور عالمی جنوب کی آواز کو مضبوط بنانے کے لیے کیا گیا تھا۔ انہوں نے کہا کہ برکس اب بھی ادارہ جاتی اصلاحات اور عالمی چیلنجز سے نمٹنے کے لیے اجتماعی تعاون کے عزم پر قائم ہے۔

برکس قومی سلامتی مشیروں کے اجلاس کے آغاز میں اجیت ڈوبھال نے چینی وزیر خارجہ وانگ یی، روسی سلامتی کونسل کے سیکریٹری سرگئی شوئیگو، ایران کی سپریم نیشنل سکیورٹی کونسل کے نائب سیکریٹری غدیر نظامی پور، متحدہ عرب امارات کی سپریم کونسل برائے قومی سلامتی کے سیکریٹری جنرل علی محمد حماد الشامسی اور جنوبی افریقہ کی وزیر خمبودزو نتشاوینی سمیت مختلف ممالک کے سکیورٹی سربراہان کا خیرمقدم کیا۔اجلاس کے آغاز میں تمام شریک ممالک کے سکیورٹی سربراہان کی مشترکہ گروپ تصویر بھی لی گئی۔

 یاد رہے کہ ایکس پر ایک پوسٹ میں وزیر اعظم نے کہا تھا کہ اس تنازع کے باعث دنیا بھر میں شدید اقتصادی خلل پیدا ہوا اور کئی ممالک میں جانی نقصان بھی ہوا۔انہوں نے کہا کہ نئی دہلی باقی ماندہ معاملات پر ہونے والی بات چیت کا منتظر ہے تاکہ ایک پائیدار اور حتمی معاہدے تک پہنچا جا سکے۔وزیر اعظم مودی نے لکھا تھا ’’میں مغربی ایشیا میں تنازع کے خاتمے کے لیے امریکہ اور ایران کے درمیان طے پانے والی مفاہمت کا خیرمقدم کرتا ہوں جس کے باعث دنیا بھر میں سنگین اقتصادی رکاوٹیں پیدا ہوئیں اور کئی ممالک میں انسانی جانوں کا نقصان ہوا۔‘‘

انہوں نے مزید کہا ’’ہندوستان کو امید ہے کہ اس مفاہمت پر عمل درآمد سے خطے میں امن و استحکام کی بحالی میں مدد ملے گی اور جہاز رانی اور تجارت کی آزادی یقینی بنائی جا سکے گی۔ ہم امید کرتے ہیں کہ باقی معاملات پر ہونے والی بات چیت ایک پائیدار حتمی معاہدے تک پہنچے گی۔‘‘

NSA Ajit Doval : We will also discuss the outcomes of the two BRICS joint working groups on counter-terrorism and on the security in the use of information and communication technologies. I look forward to your valuable interventions. pic.twitter.com/BpBFenvskA

— Siddhant Mishra (@siddhantvm) June 23, 2026

عالمی توانائی کی منڈیوں کے لیے اس معاہدے کی اہمیت پر روشنی ڈالتے ہوئےڈوبھال نے کہا کہ واشنگٹن اور تہران کے درمیان یہ مفاہمت توانائی کی فراہمی میں مزید استحکام پیدا کر سکتی ہے۔انہوں نے مزید کہا کہ اس تزویراتی آبی گزرگاہ سے بحری آمدورفت میں آسانی آنے سے بین الاقوامی تجارت اور سپلائی چین میں رکاوٹیں کم ہوں گی۔ ان کے مطابق ’’اس سے سپلائی چین میں موجود رکاوٹیں دور ہوں گی اور کھادوں، کیمیکلز اور دیگر شعبوں میں پیدا ہونے والی کئی قلتوں پر قابو پایا جا سکے گا۔‘‘

قومی سلامتی کے مشیر نے اس بات پر بھی زور دیا کہ خطے میں بلا رکاوٹ بحری آمدورفت کے وسیع اقتصادی فوائد حاصل ہوں گے۔ انہوں نے کہا کہ ’’خطے اور اس سے باہر کے ممالک کو حاصل ہونے والی جہاز رانی کی آزادی ہماری اقتصادی خوشحالی میں نمایاں بہتری لا سکتی ہے۔‘‘اس سے قبل 15 جون کو وزیر اعظم نریندر مودی نے مغربی ایشیا میں جاری تنازع کے دوران امریکہ اور ایران کے درمیان ہونے والے امن مذاکرات کا خیرمقدم کیا تھا اور خطے میں جلد از جلد امن و استحکام کی بحالی کے ساتھ ساتھ جہاز رانی کی آزادی کو یقینی بنانے پر زور دیا تھا۔

   مزید پڑھیں : این ایس  اے اجیت ڈوبھال کی  چین کے وزیر خارجہ سے ملاقات

امریکی نائب صدر جے ڈی وینس  نے سوئٹزرلینڈ میں امریکہ اور ای ران کے درمیان مغربی ایشیا میں کشیدگی کے خاتمے کے لیے 14 نکاتی مفاہمتی یادداشت کے تحت ہونے والے تازہ ترین تکنیکی مذاکرات کو ’’انتہائی نتیجہ خیز 36 گھنٹے‘‘ قرار دیا۔ انہوں نے بحری سلامتی، علاقائی استحام اور ایران کے جوہری پروگرام کی نگرانی کے حوالے سے ہونے والی پیش رفت پر امید کا اظہار بھی کیا۔