نئی دہلی:قومی سلامتی کے مشیر اجیت ڈوبھال نے پیر کے روز 16ویں برکس (BRICS) قومی سلامتی مشیروں کے اجلاس کے موقع پر برازیل، ایتھوپیا اور جنوبی افریقہ کے اعلیٰ سکیورٹی اور انٹیلی جنس حکام کے ساتھ دو طرفہ ملاقاتوں کا ایک سلسلہ انجام دیں، اس کے ساتھ انہوں نے اجلاس کے موقع پر چین کی کمیونسٹ پارٹی کے پولیٹیکل بیورو کے رکن اور وزیر خارجہ وانگ یی سے ملاقات کی۔
دونوں فریقوں نے دوطرفہ تعلقات میں حالیہ پیش رفت کا جائزہ لیا اور تعلقات کو بتدریج معمول پر لانے کی سمت میں ہونے والی پیش رفت کو نوٹ کیا۔قومی سلامتی کے مشیر اجیت ڈوبھال نے اس بات پر زور دیا کہ مستحکم، قابلِ پیش گوئی اور تعمیری دوطرفہ تعلقات دونوں ممالک کے درمیان اعتماد کی فضا قائم کرنے اور باہمی مفاہمت کو فروغ دینے میں اہم کردار ادا کرتے ہیں۔ملاقات کے دوران ہونے والی بات چیت تعمیری، مثبت اور مستقبل پر مبنی رہی۔
NSA Ajit Doval, KC met Member of the CPC Political Bureau and FM of China, Wang Yi on 22 June 2026 on the sidelines of the BRICS NSAs’ Meeting in New Delhi.
— Randhir Jaiswal (@MEAIndia) June 22, 2026
The two sides reviewed recent developments in bilateral relations and noted progress towards gradual normalisation. NSA… pic.twitter.com/B3WMVRcMBd
قومی سلامتی کے مشیروں سے ملاقات
وزارتِ خارجہ نے سوشل میڈیا پلیٹ فارم ایکس پر متعدد پوسٹوں میں بتایا کہ اجیت ڈوبھال نے برازیل کے سیکریٹری برائے کثیر جہتی اور سیاسی امور کارلوس کوزینڈے سے ملاقات کی، جس میں دونوں فریقوں نے برکس فریم ورک کے تحت ہندوستان اور برازیل کے درمیان تعاون کا خیرمقدم کیا اور دو طرفہ تعلقات کی مجموعی صورتحال کا جائزہ لیا۔
NSA Ajit Doval, KC met
— Randhir Jaiswal (@MEAIndia) June 22, 2026
Executive Director of Analysis at the National Intelligence and Security Service of Ethiopia, Million Lema Tadesse on 22 June 2026 on the sidelines of the 16th BRICS NSAs Meeting.
Both sides explored areas of cooperation to enhance and deepen the… pic.twitter.com/2PgG9vHz1l
وزارتِ خارجہ کی پوسٹ میں کہا گیا"قومی سلامتی کے مشیر اجیت ڈوبھال نے 22 جون 2026 کو 16ویں برکس قومی سلامتی مشیروں کے اجلاس کے موقع پر برازیل کے سیکریٹری برائے کثیر جہتی و سیاسی امور کارلوس کوزینڈے سے ملاقات کی۔ دونوں فریقوں نے برکس کے تحت ہندوستان اور برازیل کے تعاون کا خیرمقدم کیا اور دو طرفہ تعلقات کا جائزہ لیا۔"
وزارتِ خارجہ نے ایک اور پوسٹ میں بتایا کہ اجیت ڈوبھال نے ایتھوپیا کی نیشنل انٹیلی جنس اینڈ سکیورٹی سروس کے ایگزیکٹو ڈائریکٹر برائے تجزیہ ملین لیما تادیسے سے بھی ملاقات کی۔ اس دوران دونوں ممالک نے ہندوستان۔ایتھوپیا اسٹریٹجک شراکت داری کو مزید مضبوط اور گہرا کرنے کے امکانات پر تبادلۂ خیال کیا۔
NSA Ajit Doval, KC met his counterpart Ms. Khumbudzo Ntshavheni, Minister in the Presidency of South Africa, on 22 June 2026 on the sidelines of the 16th BRICS NSAs Meeting.
— Randhir Jaiswal (@MEAIndia) June 22, 2026
Both sides discussed India-South Africa bilateral ties, including exploring specific areas of… pic.twitter.com/Iv6NSkILM0
پوسٹ میں کہا گیا:"قومی سلامتی کے مشیر اجیت ڈوبھال نے 22 جون 2026 کو 16ویں برکس قومی سلامتی مشیروں کے اجلاس کے موقع پر ایتھوپیا کی نیشنل انٹیلی جنس اینڈ سکیورٹی سروس کے ایگزیکٹو ڈائریکٹر برائے تجزیہ ملین لیما تادیسے سے ملاقات کی۔ دونوں فریقوں نے ہندوستان۔ایتھوپیا اسٹریٹجک شراکت داری کو مزید مضبوط بنانے کے لیے تعاون کے مختلف شعبوں کا جائزہ لیا۔"اجیت ڈوبھال نے جنوبی افریقہ کی صدراتی وزارت میں وزیر کھمبودزو نتشاوینی سے بھی ملاقات کی، جس میں دونوں ممالک کے دو طرفہ تعلقات اور ترقیاتی تعاون کے مخصوص شعبوں پر تبادلۂ خیال کیا گیا۔
وزارتِ خارجہ کے مطابق ملاقات کے دوران دونوں فریقوں نے علاقائی اور عالمی سطح پر جاری پیش رفت پر بھی اپنے خیالات کا اظہار کیا۔
وزارتِ خارجہ کی ایک علیحدہ پوسٹ میں کہا گیا:"قومی سلامتی کے مشیر اجیت ڈوبھال نے 22 جون 2026 کو 16ویں برکس قومی سلامتی مشیروں کے اجلاس کے موقع پر جنوبی افریقہ میں اپنے ہم منصب اور صدراتی وزارت کی وزیر محترمہ کھمبودزو نتشاوینی سے ملاقات کی۔ دونوں فریقوں نے ہندوستان اور جنوبی افریقہ کے دو طرفہ تعلقات، خصوصاً ترقیاتی تعاون کے مخصوص شعبوں پر تبادلۂ خیال کیا۔ دونوں قومی سلامتی مشیروں نے علاقائی اور عالمی پیش رفت پر بھی خیالات کا تبادلہ کیا۔"
NSA Ajit Doval, KC met Secretary of Multilateral and Political Affairs of Brazil, Carlos Cozendey on 22 June 2026 on the sidelines of the 16th BRICS NSAs Meeting.
— Randhir Jaiswal (@MEAIndia) June 22, 2026
Both sides welcomed the cooperation between India and Brazil under the BRICS framework and reviewed India-Brazil… pic.twitter.com/TD7KX4RZf3
یہ ملاقاتیں ایسے وقت میں ہو رہی ہیں جب ہندوستان 22 اور 23 جون کو برکس قومی سلامتی مشیروں کے اجلاس کی میزبانی کر رہا ہے۔وزارتِ خارجہ کے مطابق اجلاس کے دوران برکس رکن ممالک کے قومی سلامتی مشیروں اور وفود کے سربراہان نے "آج کی دنیا کو درپیش غیر روایتی سلامتی چیلنجز" کے موضوع پر تبادلۂ خیال کیا۔
اجلاس میں قومی سلامتی کو درپیش تیزی سے بدلتے ہوئے خطرات اور ابھرتے ہوئے سکیورٹی چیلنجز میں نئی ٹیکنالوجیز کے کردار پر بھی گفتگو کی گئی۔
بیان کے مطابق قومی سلامتی مشیروں اور وفود کے سربراہان نے انسدادِ دہشت گردی اور اطلاعاتی و مواصلاتی ٹیکنالوجی کے محفوظ استعمال سے متعلق برکس کے مشترکہ ورکنگ گروپس کے حالیہ نتائج کا بھی جائزہ لیا۔
یہ اجلاس ایسے وقت میں منعقد ہو رہا ہے جب ہندوستان 2026 میں چوتھی مرتبہ برکس کی صدارت سنبھال رہا ہے۔ اس سے قبل ہندوستان 2012، 2016 اور 2021 میں بھی برکس کی صدارت کر چکا ہے۔ ہندوستان کی موجودہ برکس صدارت کا موضوع "لچک، اختراع، تعاون اور پائیداری کے لیے تعمیر" رکھا گیا ہے، جو 2025 کے ریو سربراہی اجلاس میں وزیراعظم نریندر مودی کے پیش کردہ عوامی اور انسانیت پر مبنی وژن کی عکاسی کرتا ہے۔
اجیت ڈوبھال نے نئی دہلی میں برکس قومی سلامتی مشیروں کے اجلاس کے موقع پر چین کے وزیر خارجہ وانگ یی سے بھی ملاقات کی۔
وزارتِ خارجہ نے ان مذاکرات کو "تعمیری اور مستقبل پر مبنی" قرار دیتے ہوئے کہا کہ یہ ملاقات دونوں ایشیائی ممالک کے درمیان تعلقات کو بتدریج معمول پر لانے کی جاری کوششوں میں ایک اہم پیش رفت ہے۔
NSA Ajit Doval, KC met Deputy Secretary for Defense Affairs of the SNSC of Iran, Ghadir Nezamipour on 22 June 2026 on the sidelines of the 16th BRICS NSAs Meeting.
— Randhir Jaiswal (@MEAIndia) June 22, 2026
Both sides reviewed the ongoing situation in West Asia. They also discussed cooperation under the BRICS platform… pic.twitter.com/UNtwxqPY0k
ایکس پر جاری بیان میں وزارتِ خارجہ نے کہا"دونوں فریقوں نے دو طرفہ تعلقات میں حالیہ پیش رفت کا جائزہ لیا اور تعلقات کو بتدریج معمول پر لانے کی سمت میں ہونے والی پیش رفت کا نوٹس لیا۔ قومی سلامتی کے مشیر نے اس بات پر زور دیا کہ مستحکم، قابلِ پیش گوئی اور تعمیری دو طرفہ تعلقات دونوں ممالک کے درمیان اعتماد اور بہتر باہمی تفہیم کے فروغ میں مددگار ثابت ہوتے ہیں۔ مذاکرات تعمیری اور مستقبل پر مبنی رہے۔"
