نئی دہلی/ آواز دی وائس
دہلی پولیس نے بدھ کو کہا کہ اس نے دہلی کے چانکیہ پوری علاقے میں تمل ناڈو کی ممبر پارلیمنٹ آر۔ سدھا کی چین چھیننے کے واقعے میں ملوث ملزم کو گرفتار کر لیا ہے۔
تمل ناڈو سے کانگریس کی ممبر پارلیمنٹ سدھا پیر کے روز تمل ناڈو بھون کے قریب صبح کی سیر پر نکلی تھیں، اسی دوران ایک نامعلوم موٹرسائیکل سوار نے ان کی سونے کی چین چھین لی تھی اور اس دوران ان کے کپڑے بھی پھٹ گئے تھے۔ اس واقعے میں ممبر پارلیمنٹ کو معمولی چوٹیں آئی تھیں۔
دہلی پولیس نے سوشل میڈیا پلیٹ فارم ‘ایکس’ پر ایک پوسٹ میں کہا کہ ممبر پارلیمنٹ کی چین چھیننے کا معاملہ حل ہو گیا ہے۔ ملزم کو گرفتار کر لیا گیا ہے اور چین برآمد کر لی گئی ہے۔ باقی معلومات وقت آنے پر شیئر کی جائیں گی۔
