اندور: میگھالیہ قتل کیس میں آئے روز نئے انکشافات ہو رہے ہیں۔ جیسے جیسے پولیس تفتیش آگے بڑھ رہی ہے کیس کی پرتیں کھلتی جارہی ہیں۔ اب پولیس ذرائع سے جو معلومات سامنے آئی ہیں اس نے قتل کے اس پورے معمہ کو مزید چونکا دینے والا بنا دیا ہے۔ سونم نے خود ہی ہنی مون کے ٹکٹ بک کرائے تھے۔ پولیس کی جانچ میں یہ بات سامنے آئی ہے کہ سونم رگھوونشی نے خود اپنے شوہر راجہ رگھوونشی کے ساتھ میگھالیہ کے لیے ہنی مون کے ٹکٹ بک کرائے تھے۔ یہ منصوبہ پہلے ہی ایک گہری سازش کے تحت عمل میں لایا جا رہا تھا۔ یہ پورا منصوبہ ہنی مون کے نام پر تیار کیا گیا تاکہ قتل کو قدرتی حادثہ دکھایا جا سکے۔

راج کشواہا کے ساتھ افیئر تھا۔ پوچھ گچھ کے دوران یہ بات بھی سامنے آئی کہ سونم کا راج کشواہا نامی نوجوان کے ساتھ افیئر تھا، جو اندور میں بھی رہتا ہے۔ دونوں کے درمیان کافی عرصے سے تعلقات تھے اور اسی وجہ سے دونوں نے راجہ کے قتل کی سازش کی۔ پولس نے راج کشواہا کو بھی گرفتار کر لیا ہے۔ تحقیقاتی ایجنسیاں اب دونوں کے درمیان ہونے والی بات چیت، فون کالز اور چیٹس کی گہرائی سے چھان بین کر رہی ہیں

والد نے کیا انکار

میگھالیہ پولیس کے اس دعوے کے درمیان کہ راجہ رگھوونشی کی بیوی سونم رگھوونشی میگھالیہ میں مدھیہ پردیش کے اندور کے راجہ رگھوونشی کے قتل میں ملوث تھی، سونم کے والد نے ان الزامات کی تردید کی ہے اورمعاملے کی جانچ سی بی آئی سے کرانےکا مطالبہ دہرایا ہے سونم کے والد دیوی سنگھ رگھوونشی نے یہاں صحافیوں سے بات کرتے ہوئے کہا کہ راجہ کے قتل میں ان کی بیٹی سونم کا کوئی کردار نہیں ہے۔ وہ بے قصور ہے۔ یہ شادی دونوں خاندانوں کی باہمی رضامندی سے ہوئی تھی۔ اس معاملے میں میگھالیہ پولیس کے دعوے کے بارے میں انہوں نے کہا کہ وہاں کی پولیس خود شک دائرے میں تھی، اس لیے انہوں نے سونم کو پھنسایا۔ اس کے ساتھ ہی انہوں نے ایک بار پھر سی بی آئی انکوائری کا مطالبہ کیا۔ انہوں نے اس بارے میں بھی معلوم ہونے سے انکار کیا کہ سونم اتر پردیش کے غازی پور کیسے پہنچی۔ دراصل میگھالیہ کے وزیر اعلیٰ کونراڈ کے سنگما نے آج صبح سوشل میڈیا پر اس بارے میں جانکاری دیتے ہوئے کہا کہ میگھالیہ پولیس نے سات دن بعد راجہ قتل کیس میں ایک بڑی کامیابی حاصل کی ہے۔ مدھیہ پردیش سے تین قاتلوں کو گرفتار کیا گیا ہے۔ ایک خاتون نے خود سپردگی کی ہے۔ دیگر ایک قاتل کی تلاش جاری ہے۔ میگھالیہ پولیس نے دعویٰ کیا ہے کہ راجہ قتل کیس میں خود راجہ کی بیوی سونم ملوث ہے۔ میگھالیہ کے شیلانگ میں اندور کے ٹرانسپورٹ بزنس مین راجہ رگھوونشی کے قتل کی ملزم سونم رگھوونشی اتوار اور پیر کی درمیانی رات اتر پردیش کے غازی پور کے نند گنج تھانہ علاقے میں واقع ایک ڈھابے میں پریشان حالت میں پائی گئی۔ کل رات تقریباً 2.30 بجے غازی پور پولیس ایک خفیہ اطلاع پر نند گنج علاقے میں واقع ایک ڈھابے پر پہنچی، جہاں سونم نے ڈھابہ کے مالک سے موبائل فون لیا اور اپنے بھائی گووند کو فون کیا۔ گووند نے فوراً غازی پور میں اپنے ایک جاننے والے کو اطلاع دی۔ جیسے ہی پولیس کو اطلاع ملی، پولیس سپرنٹنڈنٹ ای راجہ سمیت ایک بڑی فورس ڈھابے پر پہنچ گئی، جہاں سونم رگھوونشی پریشان/بے ہوشی کی حالت میں پائی گئی۔ پولیس کے مطابق سونم ابھی بات کرنے کی پوزیشن میں نہیں ہے۔ راجہ اور سونم کی شادی 11 مئی کو اندور میں ہوئی، اس کے بعد دونوں اپنا ہنی مون منانے 20 مئی کو شیلانگ پہنچے۔ یہ دونوں 3 مئی کو وہاں سے لاپتہ ہو گئے تھے۔ دونوں کی طویل تلاش کے بعد 2 جون کو راجہ کی لاش گہری کھائی سے ملی، جب کہ سونم لاپتہ تھی۔ سونم کے اہل خانہ نے یہ بھی الزام لگایا کہ ہوسکتا ہے کہ اسے اغوا کرکے بنگلہ دیش لے جایا گیا ہو۔ کافی تلاش کے بعد بھی سونم کے نہ ملنے پر اس پر ہی پر شک بڑھ گیا۔

آپ کو بتا دیں کہ میگھالیہ کے شیلانگ میں اندور کے ٹرانسپورٹ کاروباری راجہ رگھوونشی کے قتل کی ملزم سونم رگھوونشی اتوار اور پیر کی درمیانی شب غازی پور کے نند گنج تھانہ علاقے کے ایک ڈھابے میں پریشان حالت میں پائی گئی تھی، واضح رہے کہ اندور کے ٹرانسپورٹ کاروباری دیوی سنگھ کے بیٹے راجہ رگھوونشی کی شادی سونم رگھوونشی سے 11 مئی کو ہوئی تھی۔یہ جوڑا 20 مئی کو اپنے ہنی مون کے لیے میگھالیہ کے شیلانگ پہنچا تھا۔ دونوں 23 مئی کو وہاں گھومتے ہوئےغائب ہو گئے۔ کافی تلاش کے بعد راجہ کی خون میں لت پت لاش جنگل میں ملی جبکہ اس کی بیوی سونم رگھوونشی لاپتہ تھی۔ لاش کی حالت اور مقام سے اندازہ لگایا جا رہا تھا کہ شاید اسے بنگلہ دیشی دراندازوں نے قتل کیا ہے۔ اس کے ساتھ ساتھ وہ اپنی بیوی سونم کے ساتھ بنگلہ دیش بھی گیا ہو گا لیکن جب کافی تلاش کے بعد بھی اس کا سراغ نہ مل سکا تو پولیس اس معاملے کو شک کی نگاہ سے دیکھ رہی تھی۔ شیلانگ میگھالیہ کے مقامی گائیڈ نے بتایا کہ 23 ​​مئی کو آخری بار راجہ اور سونم کے ساتھ تین دیگر افراد کو بھی دیکھا گیا تھا۔ اس کے بعد سے یہ معاملہ پراسرار ہو گیا تھا۔ کل رات تقریباً 2:30 بجے غازی پور پولیس اطلاع پر نند گنج علاقے میں ایک ڈھابے پر پہنچی جہاں سونم نے ڈھابہ کے مالک سے موبائل فون لیا اور اپنے بھائی گووند کو فون کیا۔ گووند نے فوراً غازی پور میں اپنے ایک جاننے والے کو اطلاع دی۔ پولیس کو اطلاع ملتے ہی پولیس سپرنٹنڈنٹ ای راجہ سمیت بڑی فورس ڈھابہ پہنچ گئی۔ جہاں سونم رگھوونشی پریشان/بے ہوشی کی حالت میں پائی گئیں۔ پولیس کے مطابق سونم فی الحال بات کرنے کی پوزیشن میں نہیں ہے۔ اس واقعہ کی اطلاع ملتے ہی ایک طرف اندور سے اہل خانہ غازی پور روانہ ہوگئے۔ دوسری جانب میگھالیہ پولیس بھی غازی پور کے لیے روانہ ہوگئی ہے۔