آواز دی وائس: ذیابیطس کے مریض کیا کھاتے ہیں اور کیا نہیں کھاتے دونوں ان کے بلڈ شوگر لیول پر اثر انداز ہوتے ہیں۔ اس لیے ذیابیطس کے مریضوں کو اپنی خوراک کا خاص خیال رکھنا چاہیے۔ ذیابیطس کی دو قسمیں ہیں، ٹائپ 1 ذیابیطس میں انسولین پیدا کرنے والے خلیے تباہ ہونے لگتے ہیں۔ جب کہ ٹائپ 2 ذیابیطس میں جسم مناسب مقدار میں انسولین پیدا نہیں کر پاتا۔ اس لیے ذیابیطس کے مریضوں کو کم کاربوہائیڈریٹ اور ہائی پروٹین والی خوراک کا مشورہ دیا جاتا ہے۔ زیادہ پروٹین والی خوراک میں ذیابیطس کے مریضوں کو گندم کے آٹے کے بجائے ان آٹے سے بنی روٹیاں جیسے چنے، جوار اور جو وغیرہ کھانی چاہئیں۔ 

بادام کے آٹے کی روٹی

نیشنل سینٹر فار بائیو ٹیکنالوجی انفارمیشن میں شائع رپورٹ کے مطابق بادام کا آٹا ذیابیطس کے مریضوں کے لیے فائدہ مند ہے۔ بادام کے آٹے میں ہائی پروٹین، کم کارب، ہائی فائبر اور صحت مند چکنائی ہوتی ہے۔ یہ جسم میں توانائی کی سطح کو بلند رکھنے کے ساتھ ساتھ شوگر لیول کو بھی برقرار رکھتا ہے۔

چنے کے آٹے کی روٹی

چنے کے آٹے کی روٹی ذیابیطس کے مریضوں کے لیے بہترین ہے۔ اس میں ہائی پروٹین اور کم گلیسیمک انڈیکس ہوتا ہے۔ جسم سے کمزوری دور کرنے کے علاوہ چنے کے آٹے کے استعمال کے بہت سے فوائد دیکھے گئے ہیں۔ یہ وزن کم کرنے والی غذا کے لیے بھی فائدہ مند ہے۔ اس میں پروٹین کی بھی زیادہ مقدار پائی جاتی ہے۔ ذیابیطس کے علاوہ یہ دل کے مسائل اور بلڈ پریشر کے خطرے کو بھی کم کرتا ہے۔

کٹو کےآٹے کی روٹی

شوگر کے مریض اپنی خوراک میں گندم کے بجائے کٹو کے آٹے کی روٹی شامل کر سکتے ہیں۔ یہ بلڈ شوگر کی سطح کو منظم کرتا ہے اور بلڈ پریشر کو کنٹرول کرنے میں بھی مدد کرتا ہے۔ اس میں پروٹین، میگنیشیم، فائبر اور آئرن جیسے غذائی اجزاء بھی پائے جاتے ہیں۔

راگی آٹے کی روٹی

راگی کے آٹے کا استعمال ذیابیطس کے علاوہ دیگر کئی بیماریوں کے علاج میں بھی بہت فائدہ مند ہے۔ اس میں پولی فینول اور فائبر کی زیادہ مقدار پائی جاتی ہے۔ راگی میں فائٹو کیمیکلز بھی ہوتے ہیں جو ہاضمے کے عمل کو سست کرتے ہیں اور انسولین کی پیداوار میں بھی مدد دیتے ہیں۔

جو کے آٹے کی روٹی

ذیابیطس کے مریضوں کے لیے جو کا آٹا بھی ایک صحت بخش اور غذائیت سے بھرپور آپشن ہے۔ جو کے آٹے میں کاربوہائیڈریٹ کم ہوتا ہے اور یہ ہضم کرنے میں بھی آسان ہوتا ہے۔ جو گلوکوز کی سطح کو کنٹرول کرنے میں مدد کرتا ہے۔ اس میں بہت سے ضروری غذائی اجزاء پائے جاتے ہیں جیسے وٹامنز، فائبر اور میگنیشیم وغیرہ۔