نئی دہلی
دنیا کے معتبر ترین جریدوں میں شمار میگزین نے دعوا کیا ہے کہ گزشتہ کچھ برسوں میں جیو نے ہندوستان کا سب سے بڑا 4 جی نیٹ ورک تیار کیا ہے۔ جیو کی 4 جی سروس سب سے کم شرح پر دستیاب ہیں ۔ میگزین نے مزید کہا کہ جیو ایک جی بی کو 5 روپے کی کفایتی قیمت پر آفر کر رہی ہے۔
میگزین کا مزید کہنا تھا کہ دنیا بھر کے سرمایہ کار ریلائنس انڈسٹریز کی ڈیجیٹل کمپنی جیو پلیٹ فارمس میں سرمایہ کاری کرنے کے لئے تیار ہیں۔ وہ ریلائنس جیو کے 41 کروڑ سبسکرایبر تک رسائی حاصل کرنے کی کوشش کر رہے ہیں۔ گزشتہ سال جیو میں 20 بلین ڈالر کی سرمایہ کاری کی گئی ۔ یہ جیو کی صلاحیت میں ہونے والی ترقی کو واضح کرتا ہے۔ جیو پلیٹ فارمس فیس بُک کے ساتھ وہاٹس ایپ بیسڈ ایک ای۔ کامرس پلیٹ فارم تیار کر رہا ہے۔ وہیں کفایتی 5 جی اسمارٹ فون بنانے کے لئے ریلائنس جیو گوگل کے ساتھ اشتراک کے لئے کوشاں ہے ۔
میگزین کی فہرست میں ریلائنس جیو کے ساتھ ساتھ تعلیم کے شعبہ میں کام کرنے والی کمپنی بائی جوس کو بھی شامل کیا گیا ہے۔ فہرست میں حفظان صحت ، تفریح، ٹرانسپورٹ اور ٹیکنالوجی سمیت مختلف شعبوں کی کمپنیاں شامل ہیں۔