ایپل نے ہندوستان میں لانچ کیا فلیگ شپ ٹیبلٹ

Story by  ATV | Posted by  Aamnah Farooque | Date 16-10-2025
ایپل نے ہندوستان میں  لانچ کیا فلیگ شپ ٹیبلٹ
ایپل نے ہندوستان میں لانچ کیا فلیگ شپ ٹیبلٹ

 



نئی دہلی/ آواز دی وائس
ایپل نے ہندوستان میں ایم5 چِپ سیٹ کے ساتھ نیا آئی پیڈ پرو لانچ کر دیا ہے۔ کمپنی کا یہ جدید فلیگ شپ ٹیبلٹ اسی ماہ فروخت کے لیے دستیاب ہوگا اور اسے چار اسٹوریج ویرینٹس میں پیش کیا جائے گا۔ نئے آئی پیڈ پرو میں 11 انچ کا OLED ڈسپلے دیا گیا ہے۔ ٹیبلٹ کی موٹائی صرف 5.3 ملی میٹر ہے، جبکہ 13 انچ والے بڑے ماڈل کی موٹائی 5.1 ملی میٹر ہے۔ اس نئے آئی پیڈ پرو کے ساتھ کیوپرٹینو  کی مشہور ٹیکنالوجی کمپنی ایپل نے ایمacBooکے پرو کا نیا ماڈل بھی لانچ کیا ہے، جو ایم5 چِپ سیٹ سے لیس ہے۔
آئی پیڈ پرو (2025) کی ہندوستان میں قیمت اور دستیابی
ایم5 چِپ والے آئی پیڈ پرو کی ہندوستان میں قیمت 11 انچ ماڈل کے وائی فائی ورژن کے لیے روپے99,990 سے شروع ہوتی ہے۔
وائی فائی + سیلولر ورژن کی قیمت روپے1,19,900 سے شروع ہوتی ہے۔
۔ 13انچ ماڈل کے وائی فائی ورژن کی قیمت 1,29,900 ہے جبکہ وائی فائی + سیلولر ورژن 1,49,900 سے شروع ہوتا ہے۔
ایپل کا نیا فلیگ شپ ٹیبلٹ اب پری آرڈر کے لیے دستیاب ہے، اور ہندوستان میں اس کی فروخت 22 اکتوبر سے شروع ہوگی۔
گاہک اسے ایپل کی آفیشل ویب سائٹ، آف لائن ایپل ریٹیل اسٹورز اور دیگر مجاز ریٹیلرز سے خرید سکیں گے۔
یہ ٹیبلٹ 256 جی بی، 512 جی بی، 1ٹی بی اور 2ٹی بی اسٹوریج آپشنز میں دستیاب ہوگا۔
آئی پیڈ پرو (2025) کی خصوصیات 
ایم5 چِپ کے ساتھ آنے والے نئے ایپل آئی پیڈ پرو میں 10-کور جی پی یو  اور 16-کور نیوٹرل انجن دیا گیا ہے۔ یہ ڈیوائس 16 جی بی ریم اور 2ٹی بی تک ان بلٹ اسٹوریج کے ساتھ آتی ہے۔ 256 جی بی اور 512 جی بی اسٹوریج ویرینٹس میں 9-کور  سی پی یو دیا گیا ہے، جبکہ 1ٹی بی اور 2ٹی بی ماڈلز میں 4 پرفارمنس کورز کے ساتھ 10-کور سی پی یو  موجود ہے۔ یہ ٹیبلٹ پروموشن اور ٹرو ٹون ٹیکنالوجی کے ساتھ 13 انچ تک  الٹرا ریٹینا  ایکس ڈی اآر او ایل ای ڈی  ڈسپلے فراہم کرتا ہے۔ اس کی اسکرین 1600 نِٹس تک پیِک برائٹنیس سپورٹ کرتی ہے۔
ایڈیپٹیو ٹیکنالوجی کی بدولت صارفین 120Hz ریفریش ریٹ کے ساتھ ایکسٹرنل ڈسپلے استعمال کر سکتے ہیں۔ کنیکٹیویٹی کے لیے، ایم5 چِپ والے آئی پیڈ پرو میں وائی فائی 7 اور بلو ٹوتھ 6 سپورٹ دیا گیا ہے۔
کیمرہ فیچرز
ایم5 پروسیسر والے آئی پیڈ پرو میں 12 میگا پکسل پرائمری رئیر کیمرہ دیا گیا ہے جو ایف/1.8 اپرچر کے ساتھ آتا ہے اور 5x ڈیجیٹل زوم سپورٹ کرتا ہے۔ ڈیوائس کے فرنٹ پر 12 میگا پکسل سینٹر اسٹیج سیلفی کیمرہ موجود ہے جو  ایف /2.0 اپرچر کے ساتھ آتا ہے۔ رئیر کیمرہ ایف پی ایس 60 تک 4 کے ریزولوشن ویڈیو ریکارڈنگ کی صلاحیت رکھتا ہے۔
بیٹری اور چارجنگ
ایم5 چِپ والے آئی پیڈ پرو کے بیس ماڈل میں 31.29 ڈبلیو ایچ  بیٹری دی گئی ہے۔
ایپل کا دعویٰ ہے کہ یہ بیٹری وائی فائی پر ویب سرفنگ یا ویڈیو دیکھنے پر 10 گھنٹے تک کا پلے بیک فراہم کرتی ہے۔ کمپنی کے مطابق، اختیاری  یو ایس بی ٹائپ سی پاور اڈاپٹر کے ذریعے صرف 30 منٹ میں 50 فیصد تک چارجنگ حاصل کی جا سکتی ہے۔