نئی دہلی/ آواز دی وائس
آج یعنی 26 دسمبر 2024 کی صبح، ملک کی دوسری سب سے بڑی ٹیلی کام آپریٹر ایئرٹیل کا نیٹ ورک ڈاؤن ہو گیا۔ صبح تقریباً 10.25 بجے، بہت سے صارفین نے ملک میں ایرٹیل نیٹ ورک میں مسائل کی شکایت کی۔ ڈاؤن ڈیٹیکٹر کے مطابق، صبح 11 بجے تک، 2000 سے زیادہ صارفین نے ائرٹیل کے نیٹ ورک میں خرابی کی شکایات درج کرائیں۔
پریشان ایئرٹیل صارفین نے سوشل میڈیا پلیٹ فارم ایکس پر اپنی شکایت درج کرائی۔ ایرٹیل کے صارفین نے انٹرنیٹ تک رسائی نہ ہونے، کالز چھوڑنے اور مکمل نیٹ ورک بند ہونے کی اطلاع دی۔
ایئرٹیل کے نیٹ ورک میں اس مسئلے نے ہزاروں صارفین کے روزمرہ کے معمولات کو متاثر کیا اور بہت سے لوگوں کو کام کرنے کے قابل نہ ہونے، کنٹینٹ کو اسٹریم کرنے اور اہم فون کال کرنے جیسے مسائل کا سامنا کرنا پڑا۔ فی الحال، ایرٹیل کی طرف سے اپنے نیٹ ورک میں اس خرابی کے بارے میں کوئی سرکاری بیان نہیں آیا ہے۔
اب تک موصول ہونے والی معلومات کے مطابق موبائل انٹرنیٹ صارفین کو نیٹ ورک میں خلل کی سب سے بڑی پریشانی کا سامنا کرنا پڑا۔ تقریباً 39 فیصد لوگوں نے یہ شکایت کی۔ مزید 39 فیصد لوگوں نے شکایت کی کہ کوئی بھی سروس ایئرٹیل نیٹ ورک پر کام نہیں کر رہی، جبکہ 22 فیصد لوگوں نے سگنل دستیاب نہ ہونے کی شکایت کی۔ شکایات ملک بھر کے مختلف شہروں سے لوگوں نے رپورٹ کی تھیں۔
ایئرٹیل کی براڈ بینڈ خدمات میں خلل کی وجہ سے کئی کمپنیوں کے روزمرہ کے کام متاثر ہوئے۔ گھر سے کام کرنے والے بہت سے لوگ ورچوئل میٹنگز اور کلاؤڈ بیسڈ وسائل تک رسائی حاصل کرنے سے بھی قاصر تھے۔ آن لائن کلاسز اور اسٹریمنگ سروسز استعمال کرنے والے لوگوں کو بھی نیٹ ورک کی خرابی کا سامنا کرنا پڑا۔
