ممبئی/ آواز دی وائس

فلمی دنیا میں کسی فلم کی کامیابی کا اندازہ اس کے باکس آفس کلیکشن سے لگایا جاتا ہے۔ اس سال  کئی فلموں نے باکس آفس پر ریکارڈ توڑ کمائی کی۔ اب ہم بہت جلد سال 2025 کو الوداع کہنے والے ہیں۔ اس سے پہلے وقت آ گیا ہے کہ پلٹ کر اس سال کی کچھ بہترین یادوں کو تازہ کیا جائے۔ آئیے جانتے ہیں کہ پورے سال میں کون باکس آفس کا کنگ ثابت ہوا۔

اس سال کئی مقبول ستاروں کی فلموں کا باکس آفس پر زبردست دب دبہ دیکھنے کو ملا۔ چھاوا میں وکی کوشل نے شاندار اداکاری کی اور اس فلم نے کمائی کے معاملے میں ریکارڈ قائم کیے۔ سَیّارا کے ذریعے اہان پانڈے اور انیت پڈّا کی جوڑی کو خوب مقبولیت ملی۔ اس میوزیکل رومانوی فلم کو ناظرین نے بے حد پسند کیا اور یہ اس سال کی دوسری سب سے زیادہ کمائی کرنے والی فلم بن گئی۔ تیسرے نمبر پر رنویر سنگھ کی فلم دھُرندھر ہے، جو باکس آفس پر اب بھی ریکارڈ توڑ کمائی کر رہی ہے۔

رِشب شیٹّی کی کانتارا نے بھی باکس آفس پر اچھی خاصی کمائی کی، جبکہ او ٹی ٹی پر بھی یہ فلم ان دنوں دھوم مچا رہی ہے۔ وار 2 میں ریتک روشن کی اداکاری کو خوب سراہا گیا، اسی وجہ سے یہ فلم اس سال کی بہترین فلموں کی فہرست میں شامل ہے۔ اس کے علاوہ عامر خان کی ستارے زمین پر اور اجے دیوگن کی ریڈ 2 کی کارکردگی بھی خاصی شاندار رہی۔ اکشے کمار کی دو فلموں کا جادو بھی اس سال دیکھنے کو ملا، جن میں ہاؤس فل 5 اور اسکائی فورس شامل ہیں۔

سال 2025 کی ٹاپ 10 سب سے زیادہ کمائی کرنے والی فلمیں

چھاوا – 600 کروڑ روپے (گراس کلیکشن)

سَیّارا – 337.78 کروڑ روپے (گراس کلیکشن)

دھُرندھر – 252.70 کروڑ روپے (گراس کلیکشن، 8 دنوں کا اعداد و شمار)

کانتارا: اے لیجنڈ   چیپٹر 1  224.39 کروڑ روپے (گراس کلیکشن)

وار 2 – 185.13 کروڑ روپے (گراس کلیکشن)

مہاوتار نرسمہا – 182.83 کروڑ روپے (گراس کلیکشن)

ریڈ 2 – 178.08 کروڑ روپے (گراس کلیکشن)

ستارے زمین پر – 165.67 کروڑ روپے (گراس کلیکشن)

ہاؤس فل 5 – 160.72 کروڑ روپے (گراس کلیکشن)

اسکائی فورس – 131.44 کروڑ روپے (گراس کلیکشن)

رپورٹس کے مطابق، مذکورہ فلموں کی کمائی کے یہ اعداد و شمار عالمی نہیں بلکہ صرف گھریلو باکس آفس کے گراس کلیکشن کو ظاہر کرتے ہیں۔