ممبئی:غدر-2 کی کامیابی کی پارٹی ہفتہ کو ممبئی میں منعقد ہوئی۔ کافی عرصے بعد تینوں خان ایک ہی پارٹی میں نظر آئے۔ شاہ رخ، سلمان اور عامر خان نے پارٹی میں اپنی موجودگی کا احساس دلایا۔ شاہ رخ اور سنی، جنہوں نے کبھی ایک دوسرے سے بات نہیں کی تھی، یہاں ایک دوسرے کو گلے لگایا۔ دونوں ایک دوسرے کو گلے لگا کر پارٹی میں گئے۔ یہ پوری پارٹی کا نمایاں نکتہ تھا۔

اس کے علاوہ اجے دیوگن نے بھی سنجے دت، انیل کپور اور کاجول کے ساتھ پارٹی میں شرکت کی۔ پارٹی میں اننیا پانڈے، شلپا شیٹی اور کارتک آریان بھی موجود تھے۔ والد دھرمیندر بھی اپنے بیٹے کی فلم کی کامیابی کی پارٹی سے لطف اندوز ہونے پہنچ گئے۔ تارا سنگھ کے ساتھ ساتھ سکینہ یعنی امیشا پٹیل بھی خاص انداز میں پارٹی میں پہنچیں۔

سدھارتھ ملہوترا- کیارا اڈوانی کو بھی ایک دوسرے کی تعریف کرتے دیکھا گیا۔ عام طور پر فلمی پارٹیوں سے دور رہنے والے عامر خان نے بھی تقریب میں شرکت کی۔ اجے دیوگن، اہلیہ کاجول کے ساتھ پہنچے۔ کاجول سبز ساڑھی میں بہت خوبصورت لگ رہی تھیں۔ اجے دیوگن اہلیہ کاجول کے ساتھ پہنچے۔

کاجول سبز ساڑھی میں بہت خوبصورت لگ رہی تھیں۔ شلپا شیٹھی بھی نیلے لباس میں پارٹی میں شرکت کے لیے پہنچیں۔ سدھارتھ ملہوترا اور کیارا اڈوانی نے بھی ایک ساتھ پارٹی میں شرکت کی۔ سنجے دت اور جانی لیور ایک دوسرے کے ساتھ ہنستے اور مذاق کرتے نظر آئے

۔ 87 سالہ دھرمیندر بھی بیٹے سنی کی پارٹی میں شرکت کے لیے آئے تھے۔ سنی کے علاوہ ان کے چھوٹے بھائی بابی بھی غدر-2 کی کامیابی پر بہت خوش تھے۔ ایسا بہت کم دیکھا گیا ہے کہ انڈسٹری کے تقریباً تمام بڑے ستارے کسی فلم کی کامیابی کی پارٹی میں شریک ہوں۔

دراصل 1993 میں شاہ رخ خان اور سنی دیول نے فلم ’ڈر‘ میں ایک ساتھ کام کیا تھا جس کے بعد دونوں اداکاروں کے درمیان طویل عرصے تک اختلاف رہا اور ایک دوسرے سے 16 سال تک بات چیت بھی نہیں کی۔

فلم ڈر کی ریلیز کے بعد ولن کے طور پر شاہ رخ کے کام کو سراہا گیا تھا جس کے بعد سنی دیول کو محسوس ہوا تھا کہ یش چوپڑا کے فلم میں ان کے کردار کے ساتھ ہیرا پھیری کی گئی۔

انسٹاگرام پر ایک فین نے لکھا کہ ’دونوں کو ایک ساتھ دیکھ کر اچھا محسوس ہو رہا ہے۔ اب فلم ڈر ٹو بھی بنانی چاہیے۔

حال ہی میں ٹائمز ناؤ کے ساتھ بات کرت ہوئے سنی دیول نے کہا کہ شاہ رخ نے ٹیلی فون کر کے فلم ’غدر ٹو‘ کے لیے نیک خواہشات کا اظہار کیا تھا۔

سنی دیول کے مطابق شاہ رخ خان نے کہا کہ ’وہ بہت خوش ہیں اور آپ اس کامیابی کے حق دار ہیں۔ میں نے ان کی اہلیہ گوری خان اور بیٹے آریان خان سے بھی بات کی۔ اور انہوں نے کہا کہ ہم فلم دیکھنے جائیں گے۔

سنی دیول نے مزید کہا کہ ’میں نے بھی کئی مرتبہ شاہ رخ خان کو کال کی ہے اور بعض چیزوں پر اپنے خیالات کا اظہار کیا ہے۔ ماضی میں جو کچھ ہوا، میں کہوں گا کہ وقت سب کچھ ٹھیک کر دیتا ہے اور ہم آگے بڑھ جاتے ہیں۔

سنی دیول فلم ڈر میں ہیرو جبکہ شاہ رخ خان نے ولن کا کردار ادا کیا تھا تاہم فلم میں شاہ رخ خان کے کردار کو پذیرائی ملی تھی جس کی وجہ سے سنی دیول خوش نہیں تھے۔

انہوں نے ایک شو ’آپ کی عدالت‘ میں کہا تھا کہ ’لوگوں نے فلم میں میرے کردار کو پسند کیا اور شاہ رخ خان کے کردار کو بھی۔ مسئلہ یہ تھا کہ مجھے معلوم نہیں تھا کہ فلم میں ولن کے کردار کو نمایاں پیش کیا گیا ہے۔ میں فلموں میں کھلے دل سے کام کرتا ہوں اور اعتماد سے کام کرنے پر یقین رکھتا ہوں