ممبئی: یوں تو ہندوستان اور پاکستان کے درمیان سیاسی اور سفارتی کشیدگی ہے جس کے سبب کھیلوں کی دنیا متاثر ہوئی ہے خاص طور سے کرکٹ کی بات کریں - لیکن بالی وڈ میں کہیں نہ کہیں یہ رشتہ دوبارہ بنتا نظر ا رہا ہے پاکستان کے معروف گلوکار عاطف اسلم سات برس کے وقفے کے بعد ایک بار پھر بالی وڈ میں سُروں کا جادو جگانے جا رہے ہیں۔ ہندوستان ٹائمز کے مطابق عاطف اسلم کی یہ واپسی آنے والی فلم 'لوا سٹوری آف 90'کے ذریعے ہو رہی ہے۔ گزشتہ برس اکتوبر میں پاکستانی فنکاروں کے انڈیا میں پرفارم کرنے پر عائد پابندی ختم کی گئی تھی جس کے بعد فلم کے ہدایت کار امت کساریا نے گلوکار سے رابطہ کیا- 

یاد رہے کہ وہ زیادہ تر اردو اور ہندی زبان میں گاتِے ہیں۔ اس کے ساتھ ہی انھوں نے پنجابی اور بنگالی میں بھی گایا ہے۔ 2008 میں ان کو تمغا امتیاز سے نوازا گیا جو پاکستانی شہریوں کو دیا جانے والا چوتھا بڑا اعزاز ہے اور بہت سے لکس سٹائل اعزازات بھی ملے ہیں

انہوں نے اس بارے میں کہا ہے کہ یہ ایک سادہ سی فیملی ڈرامہ فلم ہو گی جس سے 'دل والے دلہنیا لے جائیں گے' کی یادیں تازہ ہو جائیں گی۔امت کساریا نے مزید کہا کہ 'کسی نہ کسی کو یہ پہل تو کرنا ہی تھی اور اس ٹوٹے تعلق کو جوڑنا تھا۔ میں جانتا ہوں بہت سے لوگ میرا مذاق اُڑائیں گے مگر مجھے ایسا ہی کرنا تھا۔'

اپ کو بتا دیں کہ عاطف اسلم نے گلوکاری کا آغاز جل بینڈ میں مرکزی صداکار کی حثیت سے کیا۔ اس کا پہلا گانا عادت بہت جلد پاکستان اور انٹرنیٹ کے ذریعے باقی دنیا میں مشہور ہو گیا۔ اس گانے نے عاطف اسلم کو ایک الگ پہچان دی