ممبئی/ آواز دی وائس
سلمان خان ان دنوں اپنی آنے والی فلم "بیٹل آف گلوان" کو لے کر سرخیوں میں ہیں۔ حال ہی میں فلم سے ان کا پہلا لُک جاری کیا گیا ہے، جس میں وہ فوجی وردی میں شاندار انداز کے ساتھ نظر آ رہے ہیں۔ مداح ان کے اس نئے لُک کی تعریف کر رہے ہیں۔ سلمان خان نے فلم بیٹل آف گلوان سے اپنا پہلا لُک آفیشل انسٹاگرام پر شیئر کیا ہے۔ اس تصویر میں وہ آرمی کی وردی میں، سر سے خون بہتا ہوا اور گھنی مونچھوں کے ساتھ حب الوطنی کے رنگ میں نظر آ رہے ہیں۔
بتا دیں کہ فلم بیٹل آف گلوان 2020 میں گلوان وادی میں ہندوستان اور چین کی فوجوں کے درمیان ہونے والی خطرناک جھڑپ پر مبنی ہے، جو بغیر ایک بھی گولی چلائے لڑی گئی تھی۔ یہ جنگ 15,000 فٹ کی بلندی پر لڑی گئی تھی۔ اس فلم کو سلمان خان فلمز پروڈیوس کر رہا ہے اور اپوروا لاکھیا اس کے ڈائریکٹر ہیں۔
فلم میں سلمان کے مدِ مقابل اداکارہ چترانگدا سنگھ نظر آئیں گی۔ ساتھ ہی فلم میں کئی نئے چہرے بھی دکھائی دیں گے۔ سلمان خان فلم میں کرنل بی۔ سنتوش بابو کا کردار ادا کریں گے۔ فلم کا میوزک ہیمیش ریشمیا دیں گے۔
حال ہی میں سلمان خان نے لداخ میں شوٹنگ کی مشکلات کے بارے میں بتایا تھا۔ انہوں نے ایک گفتگو میں کہا کہ یہ جسمانی طور پر بہت چیلنجنگ ہے۔ پہلے میں کسی کردار کے لیے کچھ ہفتوں کی ٹریننگ لیتا تھا، لیکن اب اس میں زیادہ وقت لگتا ہے۔ اس فلم کے لیے بہت کچھ درکار ہے جیسے دوڑنا، لات گھونسے چلانا اور ساتھ ہی بلندی اور برفیلے پانی جیسی مشکل ترین صورتحال کا سامنا کرنا۔
