ممبئی/ آواز دی وائس
ساجد ناڈیاڈوالا کی کمپنی ناڈیاڈوالا گرینڈسن انٹرٹینمنٹ پرائیویٹ لمیٹڈ نے اپنی فلم سکندر کے پائریسی سے ہوئے نقصان کی تلافی کے لیے 91 کروڑ روپے کے انشورنس کلیم کی کارروائی شروع کر دی ہے۔ یہ کلیم ہندوستانی فلمی تاریخ میں اب تک کا سب سے بڑا پائریسی انشورنس کلیم قرار دیا جا رہا ہے۔ سلمان خان کی یہ فلم 30 مارچ 2025 کو ریلیز ہوئی تھی۔
ذرائع کے مطابق کمپنی نے ڈیجیٹل پائریسی انشورنس کور کے حوالے سے داخلی سطح پر مشاورت شروع کر دی ہے۔ ارنٹس اینڈ ینگ کو فلم کا آڈٹ سونپا گیا، جنہوں نے رپورٹ میں بتایا کہ پائریسی کے باعث تقریباً 91 کروڑ روپے کا نقصان ہوا۔ فلم میں سلمان خان، رشمیکا مندنا، کاجل اگروال، شرمن جوشی، سنجے کپور، اور پرتیک ببر جیسے فنکار شامل تھے۔
نقصان کا اندازہ کیسے لگایا گیا؟
فلمی صنعت سے وابستہ ماہرین کے مطابق یہ اعداد و شمار بہت غور و فکر اور تجزیے کے بعد طے کیے گئے۔ ریلیز سے پہلے کی ممکنہ کمائی، تھیٹر کی سیٹ آکوپینسی، مختلف علاقوں میں آمدنی میں کمی، اور ڈیجیٹل پلیٹ فارمز پر پائریٹڈ ورژنز کے سراغ کی بنیاد پر یہ حساب لگایا گیا۔
فلم کیسے لیک ہوئی؟
رپورٹ کے مطابق فلم کی ریلیز کے چند گھنٹوں بعد ہی اس کی غیر قانونی کاپیاں ٹیلیگرام گروپس اور غیرقانونی اسٹریمنگ سائٹس پر پہنچ گئیں۔ بعض صورتوں میں فلم ریلیز سے پہلے ہی لیک ہو چکی تھی۔ لیک کے اہم ذرائع تمل راکرز، مووی رولز، فلمی جلا اور کچھ ٹیلیگرام چینل تھے۔
پائریٹڈ ورژن میں اضافی مناظر
لیک شدہ ورژن میں کچھ مناظر ایسے تھے جو تھیٹر میں نظر نہیں آئے، مثلاً
دھاراوی میں میڈیکل اسٹوڈنٹس کی سکندر سے ملاقات
کمرالدین کی بیماری کا فلیش بیک
رشمیکا کی وکیل بننے کی خواہش کا سین
ویدیہی کی خودکشی کی کوشش اور کیب والا سین
میوزک کا فرق
پائریٹڈ ورژن میں لگ جا گلے کا اصل 1964 ورژن شامل تھا، جب کہ تھیٹر ورژن میں یولیا وانتور کا گایا ہوا ورژن تھا۔ عجیب داستان جو سلمان نے گایا تھا، پائریٹڈ میں موجود نہیں تھا۔ اس سے شبہ ہے کہ فلم سی بی ایف سی کلیئرنس کے بعد لیک ہوئی، یعنی اندرونی فرد ملوث ہو سکتا ہے۔
فلم کی آمدنی پر اثر
فلم نے پہلے دن 27.5 کروڑ کی اوپننگ کی، لیکن بعد میں کمزوری دیکھی گئی اور کل کمائی 103.45 کروڑ پر رک گئی۔ ماہرین مانتے ہیں کہ اگر پائریسی نہ ہوتی تو فلم کی کمائی کہیں زیادہ ہو سکتی تھی۔
کلیم ابھی دائر نہیں
ذرائع کے مطابق تاحال باضابطہ طور پر کوئی انشورنس کلیم دائر نہیں کیا گیا، مگر اندرونی سطح پر مشاورت جاری ہے۔ اگر کلیم داخل کیا جاتا ہے، تو یہ ہندوستان کا سب سے بڑا پائریسی انشورنس کیس بن سکتا ہے۔
فلم کی کہانی
سلمان خان نے فلم میں سنجے ‘سکندر’ راجکوٹ کا کردار نبھایا، جب کہ رشمیکا مندنا نے ان کی بیوی کا کردار ادا کیا۔ ڈیجیٹل ماہرین کا کہنا ہے کہ فلمی ادارے اب سائبر انشورنس کو سنجیدگی سے لے رہے ہیں، جو کہ خوش آئند قدم ہے۔ ناڈیاڈوالا یا کمپنی کی جانب سے اس معاملے پر فی الحال کوئی باضابطہ بیان نہیں آیا ہے۔
.gif)
.gif)
