ممبئی/ آواز دی وائس

دی گریٹ انڈین کپل شرما شو سیزن 3، 21 جون سے او ٹی ٹی پلیٹ فارم نیٹ فلکس پر اسٹریم کیا جائے گا۔ شو کے آن ایئر ہونے سے پہلے اس کا پرومو جاری کر دیا گیا ہے، جس میں پہلے مہمان کے طور پر بالی ووڈ کے "سکندر" سلمان خان نظر آ رہے ہیں۔ وہ شو میں داخل ہوتے ہی مذاق میں کہتے ہیں کہ یہ شو پہلے ہمارے پاس ہوا کرتا تھا، نیٹ فلکس والوں نے ہم سے شو لے کر پہلا مہمان مجھے ہی بنا دیا۔ اسی دوران وہ اپنی فلم "سکندر" سے لے کر عامر خان کی ڈیٹنگ لائف تک پر طنز کرتے دکھائی دے رہے ہیں۔

او ٹی ٹی پلیٹ فارم نیٹ فلکس نے دی گریٹ انڈین کپل شو سیزن 3 کا آفیشل پرومو جاری کیا ہے۔ ساتھ ہی سلمان خان کی زبردست انٹری پر کیپشن میں لکھا ہے کہ "سکندر کا انداز + کپل کی ٹائمنگ = بلاک بسٹر"۔ جیسے ہی کامیڈی کنگ کپل شرما اپنے پہلے مہمان کے طور پر سلمان خان کو بلاتے ہیں، سلمان شو پر آتے ہی کہتے ہیں کہ یہ شو پہلے ہمارے پاس ہوا کرتا تھا، نیٹ فلکس والوں نے ہم سے شو لے کر پہلا گیسٹ مجھے ہی ڈال دیا ہے۔

سلمان خان کا یہ تبصرہ اس لیے تھا کیونکہ جب کپل شرما نے اپنے شو کا پہلا سیزن لانچ کیا تھا تو وہ کے 9 پروڈکشنز کے بینر تلے تھا، جو کہ کپل کا ہی پروڈکشن ہاؤس ہے۔ لیکن بعد میں کچھ مسائل کے سبب سلمان خان کے پروڈکشن ہاؤس نے کپل کی مدد کی، اور دوسرا اور تیسرا سیزن انہی کے تحت تیار ہوا۔ اسی لیے سلمان نے پہلے مہمان کے طور پر خود کو بلائے جانے پر مزاحیہ انداز میں تبصرہ کیا۔ ساتھ ہی وہ عامر خان کی ذاتی زندگی پر بھی چٹکی لیتے دکھے۔ پرومو سے اندازہ لگایا جا رہا ہے کہ شو بہت خاص ہونے والا ہے۔

دی گریٹ انڈین کپل شرما شو سیزن 3 کہاں اور کب دیکھیں؟

پہلے یہ شو کلرز اور بعد میں سونی چینل پر آتا تھا، لیکن اب یہ نیٹ فلکس پر 21 جون سے ہر ہفتے کی رات 8 بجے نشر کیا جائے گا۔ اس بار شو اس لیے بھی خاص ہے کیونکہ چھ سال بعد نووجوت سنگھ سدھو کی واپسی ہو رہی ہے۔ اس کے علاوہ کرشنا ابھیشیک، سنیل گروور، کیکو شاردا سمیت دیگر ٹیم ممبرز بھی اپنے منفرد انداز سے ناظرین کو خوب ہنسانے والے ہیں۔