نئی دہلی:10 اپریل کو سنی دیول کی نئی فلم "جات" دنیا بھر کے سنیما گھروں میں ریلیز ہو چکی ہے، جسے تمل اور تیلگو زبانوں میں بھی پیش کیا گیا ہے۔ فلم کے ہدایت کار گوپی چند ملینینی ہیں۔ اس فلم میں رندیپ ہڈا، وِنت کمار سنگھ، سَیامی خیر اور رجینا کیسندرا بھی اہم کرداروں میں نظر آتے ہیں۔ رندیپ ہڈا فلم میں خطرناک ولن ’راناتُنگا‘ کا کردار ادا کر رہے ہیں۔ فلم کی پروڈکشن میتری مووی میکرز اور پیپل میڈیا فیکٹری نے کی ہے۔

فلم کا آغاز رندیپ ہڈا کے زبردست ایکشن کے ساتھ ہوتا ہے۔ پہلے سین سے ہی فلم کا بیک گراؤنڈ میوزک دل کو بھاتا ہے۔ فلم میں رامیا صدر کے کردار میں ہیں اور جگپتی بابو سی بی آئی آفس میں دکھائے گئے ہیں۔ کہانی آندھرا پردیش کے ایک گاؤں موٹوپلی کی ہے، جہاں راناتُنگا کا خوف طاری ہے۔ اس کے خلاف ایک پولیس آفیسر (سَیامی خیر) آواز اٹھاتی ہے۔ رجینا کیسندرا نے فلم میں ایک پاورفل منفی کردار ادا کیا ہے، جو راناتُنگا کی بیوی کا کردار ہے۔ رجینا اور سَیامی خیر کے سینز خاصے طاقتور ہیں۔

پہلے ہی منظر سے واضح ہو جاتا ہے کہ گوپی چند نے ہدایت کاری میں مہارت دکھائی ہے۔ مکمل ماس (عوامی) تفریحی فلم ہے۔ سنی دیول کو اسکرین پر دیکھنا خوشگوار تجربہ ہے، ان کی طاقتور موجودگی دل کو بھاتی ہے۔ ایکشن سین کے ساتھ ان کی انداز دار انٹری ہوتی ہے۔ جی ہاں، "ڈھائی کلو کا ہاتھ اُٹھے گا تو پورا انڈیا گونج اُٹھے گا!"  فلم میں سنی پاجی نے ایک ہاتھ سے جیپ روک کر اپنا سوئینگ (SWAG) ثابت کر دیا ہے۔ ان کا ڈائیلاگ ہے:
جب میں مارنا شروع کرتا ہوں نا، نہ گنتا ہوں، نہ سنتا ہوں۔

راناتُنگا کی بیک اسٹوری بھی دلچسپ ہے۔ فلم مکمل طور پر ایکشن سے بھرپور ہے۔ انٹرویل کے بعد کچھ فلیش بیک سینز بھی آتے ہیں، لیکن سنی دیول کا ایکشن اور دھوم دھڑاکا برقرار رہتا ہے۔ فلم میں جات اسٹائل اور ساؤتھ انڈین ہدایتکار کا ایک زبردست امتزاج ہے۔ونیت کمار سنگھ کی اداکاری بھی عمدہ ہے۔ فلم میں اتنے کٹے ہوئے سر شاید ہی کسی اور فلم میں دیکھے ہوں۔ یہ ایک مکمل ایکشن مسالا فلم ہے، اور ’ون مین شو‘ ہے — یعنی صرف اور صرف سنی دیول کا راج!