ماہواری کو چھپانے کے بجائے اب خواتین کھل کر بات کررہی ہیں

مسلم اکثریتی میوات سے عوامی تحریک کا آغاز ہوا

یونس علوی ،میوات

ایک وقت تھا جب ہریانہ کی عورتیں نہ صرف حیض کوچھپاتی تھیں بلکہ اس مدت کے دوران وہ اپنے گھرتک محدود رہتی تھیں اورپڑوس و محلے سے کٹی رہتی تھیں۔ دیہی علاقوں کی خواتین کے لئے وہ چاردن جسمانی اذیت اورذہنی اذیت کےتھے۔لیکن اب خواتین نے نہ صرف اس موضوع پربات کرنا شروع کیا ہے بلکہ گھروں میں کیلنڈر (پیریڈ چارٹ) رکھ یہ پیغام دے رہی ہیں کہ ماہواری خواتین کی زندگی کا ایک اہم حصہ ہے۔

یہ تبدیلی انتہائی پسماندہ مسلم اکثریتی علاقے میوات میں شروع ہوئی ہے۔ خواتین کی اس انقلابی تبدیلی پر او ٹی ٹی پلیٹ فارم کے لئے ایک مختصر فلم 'پیریڈ چارٹ' بننے جارہی ہے۔ فلم کا اعلان ہوچکا ہے۔یہ اعلان چانکیا اور جئے-جئے بجرنگ بلی کے ہدایتکار محمد توفیق نے کیا ہے۔

کیاکہتے ہیں جگلان

ہریانہ کی خواتین میں انقلابی تبدیلی کے لئے کوشاں اور سیلفی ود ڈوٹر فاؤنڈیشن کی ڈائریکٹر نیز پریڈچارٹ مہم کے بانی ،سنیل جگلان کے مطابق آج بھی ہمارے معاشرے میں مشترکہ اور سنگل خاندانوں میں خواتین کی ماہواری کے بارے میں بات نہیں کی جاتی ہے۔ ایک طرف ، لوگ چاند پر پلاٹ خرید رہے ہیں ، جبکہ عورتوں کو حیض کے دوران دوسرے درجے کا سلوک کیا جاتا ہے۔

جگلان نے بتایا کہ سیلفی ود ڈوٹر مہم کے دوران میوات میں کام کرتے ہوئے انہوں نے خواتین کو قریب سے دیکھا ، اور میوات سے تبدیلی کا آغاز کرنے کا فیصلہ کیا۔ اس مہم کا آغاز فیروز پور جھرکا کی نشاط ، نوح کی انجم وپوجا ، دہلی کی مبشرہ اور گنور کی گلشفاں نے اپنے گھر سے کیا اور ایک عوامی تحریک کی شکل دی۔

بننے جارہی فلم

ممبئی کا فلمی شہر بھی پیریڈ چارٹ مہم پر اپنا اعتماد ظاہر کرنے جارہا ہے اور فلم کی تیاری ہے۔ یہ فلم نومبر 2020 میں خواتین کے ماہواری کے دنوں کو قابل رسائی بنانے اور پریڈ کے معاملے پر بات چیت میں آسانی پیدا کرنے کے لئے شروع کی جانے والی پیریڈ چارٹ مہم پر بنائی جارہی ہے۔ جو 28 مئی کو انٹرنیشنل پیریڈ ڈے کے موقع پر او ٹی ٹی پلیٹ فارم پر پیش کیا جائے گی۔

انہوں نے بتایا کہ یہ مختصر فلم اس مہم کے گرد گھومتی ہے۔ جس میں اس مہم کے بارے میں ان کا خصوصی انٹرویو بھی دکھایا جائے گا۔ پیریڈ چارٹ کے ڈائریکٹر محمد توفیق نے بتایا کہ انہیں سوشل میڈیا پر اس مہم کے بارے میں پتہ چل گیا۔ یہ اپنے آپ میں ایک انوکھی اور متاثر کن مہم ہے ، جو معاشرے کو ایک نئی سمت دے گی اور تبدیلی بھی لائے گی۔ اسی لئے اس مہم کے بارے میں ایک فلم بنائی جارہی ہے۔

حیض چارٹ مہم کیا ہے

میوات سے اس مہم کا آغاز کرنے والے سنیل جگلان کا کہنا ہے کہ خواتین کے حیض کی تاریخ چارٹ پر لکھی جاتی ہے اور گھر میں ایسی جگہ رکھی جاتی ہے کہ ہر کوئی دیکھ سکے اور گھر کے تمام افراد لڑکیوں کے بارے میں اپنا رویہ بدیں۔ اور گھر کی عورتوں کو تبدیل کرنے کی بجائے ان کے لئے آسانی فراہم کریں اور ان کے ساتھ تعاون کریں۔ واضح ہوکہ جگلان پر بنی فلم کو ایوارڈز مل چکے ہیں