نئی دہلی
نورا فتحی 12 جون کو کینیڈا میں ہونے والی فیفا ورلڈ کپ 2026 کی افتتاحی تقریب میں پرفارم کرتی نظر آئیں گی۔ اس اعلان کی تصدیق ہفتہ کے روز فیفا ورلڈ کپ کے آفیشل انسٹاگرام ہینڈل کے ذریعے کی گئی۔ جاری کردہ پوسٹ میں پرفارم کرنے والے فنکاروں کے نام شامل تھے، جن میں نورا فتحی بھی شامل ہیں۔
وہ مائیکل بوبلے، الانیس موریسیٹ، الیسیا کارا، ایلیانا، جیسی ریز، سنجوئے، ویجی ڈریم اور ولیم پرنس کے ساتھ اس تقریب میں پرفارم کریں گی۔یہ تقریب ٹورنٹو کے بی ایم او فیلڈ میں منعقد ہوگی۔
نورا فتحی نے بھی اپنے انسٹاگرام پر ایک پوسٹر شیئر کرتے ہوئے اس خبر کا اعلان کیا اور کہا کہ وہ اس موقع پر خود کو اعزاز یافتہ محسوس کر رہی ہیں۔انہوں نے لکھا، ’’یہ باضابطہ طور پر اعلان ہو چکا ہے! مجھے ایک بار پھر تاریخ کے سب سے بڑے فیفا ورلڈ کپ کا حصہ بننے پر فخر ہے!‘‘
نورا فتحی اس سے قبل 2022 میں قطر میں منعقدہ فیفا ورلڈ کپ کی اختتامی تقریب میں بھی پرفارم کر چکی ہیں۔
.webp "نورا فتحی فیفا ورلڈ کپ کی افتتاحی تقریب میں پرفارم کریں گی")
