باتھ روم میں ریکارڈ ہوا تھا لتا منگیشکر کا گانا ’جب پیار کیا تو ڈرنا کیا‘، بڑی خاص ہے وجہ
ممبئی/ آواز دی وائس
سال 1960 ۔۔۔ تھیٹر میں ایک فلم آئی جس نے ہندی سنیما کی تعریف ہی بدل دی۔ نام تھا — مغلِ اعظم۔ دلیپ کمار، مدھوبالا اور پرتھوی راج کپور جیسے بڑے ستاروں کی یہ فلم اپنے شاندار سیٹس، زبردست ڈائیلاگز اور دل چھو لینے والے گانوں کی وجہ سے آج بھی یاد کی جاتی ہے۔ لیکن کیا آپ جانتے ہیں کہ اس فلم کا سب سے مشہور گانا 'جب پیار کیا تو ڈرنا کیا' کتنی محنت سے تیار ہوا تھا؟ اس گانے کے بول لکھنے سے پہلے 105 گانے مسترد ہو چکے تھے۔ پھر کہیں جا کر اس گانے کے بول فائنل ہوئے۔ اسے لکھنے میں ہی 100 گھنٹے سے زیادہ وقت لگا تھا۔
گانے کی ریکارڈنگ بھی عام نہیں تھی۔ موسیقار نوشاد اور گلوکارہ لتا منگیشکر چاہتے تھے کہ آواز میں ایک خاص گونج ہو، جو اسٹوڈیو میں نہیں مل پا رہی تھی۔ اسی لیے لتا جی نے یہ گانا باتھ روم میں کھڑے ہو کر ریکارڈ کیا۔ جی ہاں، باتھ روم کی گونج کو مائیک میں قید کیا گیا اور وہی سے نکلا وہ جادو، جو آج تک سب کے دلوں میں بسا ہوا ہے۔
اس گانے کی شوٹنگ کے لیے ایک شیشے کا شاندار سیٹ تیار کیا گیا تھا، جس کی لاگت تقریباً 10 لاکھ روپے تھی — اُس دور میں یہ رقم بہت بڑی سمجھی جاتی تھی۔ صرف سیٹ پر ہی 2 لاکھ روپے خرچ ہو گئے تھے۔ ڈائریکٹر کے۔ آصف اس گانے کو پرفیکٹ بنانا چاہتے تھے اور انہوں نے کوئی سمجھوتہ نہیں کیا۔
مغلِ اعظم کی تیاری میں 14 سال لگے۔ درمیان میں پروڈیوسر بدل گئے، پیسوں کی کمی ہوئی، لیکن آصف صاحب نے ہار نہیں مانی۔ آج بھی جب کہیں ‘جب پیار کیا تو ڈرنا کیا’ یہ گانا چلتا ہے، تو یہ صرف ایک گانا نہیں، بلکہ سینما کے پیچھے کا جنون کی گونج ہوتی ہے۔
