ممبئی
اداکارہ کرتیکا کامرا ایک نئی فلم میں مرکزی کردار ادا کرنے جا رہی ہیں، جو مصنف پوشان مکھرجی کی ہدایت کاری میں پہلی فلم ہوگی۔
کرتیکا کامرا، جنہیں حال ہی میں ویب سیریز ’’مٹکا کنگ‘‘ اور ’’دی گریٹ شمس الدین فیملی‘‘ میں اپنی اداکاری کے لیے سراہا گیا، جون سے اس فلم کی شوٹنگ شروع کریں گی۔اگرچہ فلم کی کہانی سے متعلق تفصیلات خفیہ رکھی گئی ہیں، تاہم ایک ذریعے کے مطابق اداکارہ کا کردار ’’جسمانی اور جذباتی طور پر نہایت مشکل، لیکن تخلیقی اعتبار سے تازگی بھرا‘‘ ہوگا۔
ذرائع نے بتایا کہ کرتیکا اس فلم کی دنیا سے فوراً متاثر ہو گئی تھیں کیونکہ یہ اُن کے پہلے کے کام سے بالکل مختلف ہے۔ بطور ڈراما، یہ فلم اُنہیں اپنی اداکاری کے جوہر دکھانے کا بھرپور موقع فراہم کرتی ہے، اور وہ اگلے ماہ شوٹنگ شروع ہونے سے پہلے اپنے کردار میں مکمل طور پر ڈوبنے کے لیے تیاری بھی شروع کر چکی ہیں۔
فلم کا عارضی عنوان ’’ڈمبل‘‘ رکھا گیا ہے۔پوشان مکھرجی کو کنال کھیمو کی مرکزی کردار والی سیریز ’’ابھے‘‘ کے مصنف کے طور پر خاص شہرت حاصل ہوئی، جو زی فائیو پر تین سیزن تک نشر کی گئی تھی۔
