ممبئی: بالی ووڈ میں کترینہ کیف کوجگہ بنانے میں مدددینے والے سلمان خان ان کی شادی میں شرکت نہیں کریں گے۔ سلمان کے گھر والے بھی اس تقریب میں شرکت نہیں کریں گے۔ اس خبر کی تصدیق سلمان کی بہن ارپیتا نے کی ہے۔ ارپیتا نے ایک انٹرویو میں کہا ہے کہ کترینہ نے خان فیملی کو شادی میں مدعو نہیں کیاہے۔ سلمان 10 دسمبریعنی شادی کے دن سعودی عرب کےریاض میں ہو نگے۔

واضح ہوکہ ماضی میں سلمان خان کا نام کترینہ کے ساتھ جڑتا رہا ہے اورمیڈیا میں دونوں کے معاشقے کے قصے آتے رہے ہیں۔ کترینہ ،سلمان کے اہل خاندان سے بھی قریب رہی ہیں مگر جب ارپیتا سے شادی کے دعوت نامے کے بارے میں پوچھا گیا تو انہوں نے صاف انکار کر دیا۔

ارپیتا نے کہا کہ ہمیں ابھی تک شادی کا کوئی دعوت نامہ نہیں ملا ہے۔ اس سے قبل یہ خبریں آئی تھیں کہ کترینہ کی شادی کے لیے سلمان، ان کی بہنوں اور اہل خانہ کو آفیشل دعوت نامے بھیجے گئے ہیں۔ سلمان کی بہنیں ارپیتا خان اور الویرا خان شادی میں شرکت کریں گی۔

چند ہفتے قبل یہ خبریں بھی سامنے آئی تھیں کہ سلمان اس شادی میں شرکت کریں گے۔ لیکن پھر کہا گیا کہ سلمان کا شیڈول بہت مصروف ہے اس لیے وہ کترینہ کی شادی کو بھی مس کر سکتے ہیں۔ اگرچہ کترینہ نے سلمان کو شادی کے لیے مدعو نہیں کیا لیکن اس سے دونوں کی پیشہ ورانہ وابستگی متاثر نہیں ہو رہی ہے۔

شادی کے بعد کیٹ اور سلمان ایک ساتھ 'ٹائیگر 3' کی شوٹنگ کریں گے۔ جس کی ہدایت کبیر خان دے رہے ہیں۔ اس سے پہلے سلمان اور کترینہ ایک ساتھ میں نے پیار کیوں کیا، ایک تھا ٹائیگر، ٹائیگر زندہ ہے، بھارت، پارٹنر، یوراج، باڈی گارڈ میں کام کر چکے ہیں۔

ذرائع کے مطابق سلمان خان کی فیملی کو کوئی دعوت نامہ نہیں بھیجا گیا ہے۔ سلمان کی بہنوں کو بھی کوئی دعوت نامہ نہیں ملا ہے۔ ان کی کترینہ کی شادی میں شرکت کی خبریں جھوٹی ہیں۔ شادی میں کرن جوہر، ورون دھون، عالیہ بھٹ، سدھارتھ ملہوترا اور کیارا اڈوانی جیسی کئی مشہور شخصیات شرکت کررہی ہیں۔

دونوں کی شادی میں فلم پروڈیوسروں، ہدایت کاروں، اداکاروں کے علاوہ پی ایم او کے اہلکار بھی بطور مہمان خصوصی شرکت کریں گے۔ کترینہ کی شادی میں شرکت کے لیے پی ایم او کے 5 افسران سوائی مادھوپور پہنچیں گے۔

ٹائیگر کے ساتھ اب شادی میں آنے والے خصوصی مہمان کو گھڑیال سفاری بھی دی جائے گی۔ مہمانوں کے لیے رنتھمبور میں 45 ہوٹل بک کیے گئے ہیں۔

رنتھمبور ٹائیگر سفاری کے علاوہ شادی میں شرکت کرنے والے خصوصی مہمان کو چمبل گھڑیال سفاری بنایا جائے گا۔ اس کے لیے ہوٹل سکس سینس کی انتظامیہ نے سوائی مادھو پور کے چمبل گھاٹ پہنچ کر انتظامات کا جائزہ لیا۔

گھڑیال سفاری کے ٹریول ایجنٹ سمیر سنگھ راجاوت نے بتایا کہ ہوٹل سکس سینس کی انتظامیہ نے چمبل گھاٹ پہنچ کر انتظامات کو دیکھا۔ اس کے لیے انتظامیہ نے یہاں بریک فاسٹ اور لنچ کے لیے ٹینٹ لگانے کی ہدایات دی ہیں۔