ممبئی
رانی مکھرجی نے فلم ’مردانی 3‘ کے ساتھ سنیما گھروں میں زبردست واپسی کی ہے۔ اس فلم میں رانی ایک بار پھر پولیس افسر شیوانی شیواجی رائے کے کردار میں نظر آ رہی ہیں اور خوب تعریفیں سمیٹ رہی ہیں۔ اس کے ساتھ ہی ’مردانی 3‘ باکس آفس پر بھی اچھی کارکردگی دکھا رہی ہے۔ ٹھیک ٹھاک اوپننگ کے بعد فلم نے دوسرے ویک اینڈ پر کمائی میں اضافہ درج کیا۔ آئیے جانتے ہیں کہ ریلیز کے 11ویں دن یعنی دوسرے پیر کو فلم نے کتنی کمائی کی۔
مردانی 3 نے 11ویں دن کتنی کمائی کی؟
مردانی 3‘کو ناظرین کی جانب سے اچھا رسپانس مل رہا ہے۔ یہاں تک کہ سنی دیول کی ’بارڈر 2‘ کی زبردست موجودگی کے باوجود یہ فلم باکس آفس پر مضبوط کمائی کر رہی ہے۔ بتایا جا رہا ہے کہ پہلے ہفتے میں فلم نے 26.3 کروڑ روپے کی مناسب کمائی کی تھی اور اب یہ دوسرے ہفتے میں داخل ہو چکی ہے۔
دوسرے جمعہ کو فلم نے 1.85 کروڑ روپے، دوسرے ہفتہ کو 3.5 کروڑ روپے اور دوسرے اتوار کو 4.25 کروڑ روپے کا کلیکشن کیا۔ قابلِ ذکر بات یہ ہے کہ جہاں دوسرے ویک اینڈ پر کمائی میں تیزی دیکھنے کو ملی، وہیں دوسرے پیر کو فلم کی رفتار کافی سست پڑ گئی اور 11ویں دن کمائی میں کمی درج کی گئی۔
اعداد و شمار کے مطابق، ’مردانی 3‘ نے ریلیز کے 11ویں دن یعنی دوسرے پیر کو 1.15 کروڑ روپے کمائے ہیں۔ اس کے ساتھ ہی ہندوستان میں فلم کی 11 دنوں کی مجموعی نیٹ کمائی 37.05 کروڑ روپے ہو گئی ہے۔
مردانی 3 نے کتنا بجٹ وصول کیا؟
اگر فلم کے بجٹ کی بات کریں تو کوئی موئی کے مطابق ’مردانی 3‘ کو 60 کروڑ روپے کے بجٹ میں تیار کیا گیا ہے۔ ریلیز کے 11 دنوں میں فلم نے 37.05 کروڑ روپے کما کر تقریباً 61.67 فیصد بجٹ وصول کر لیا ہے۔
ابھی فلم کو اپنا بجٹ مکمل طور پر نکالنے کے لیے مزید 23 کروڑ روپے کی کمائی درکار ہے، تب جا کر یہ فلم سیف زون میں داخل ہو سکے گی۔ تاہم، ہٹ قرار پانے کے لیے اسے اپنی لاگت سے 50 فیصد زیادہ کمائی کرنی ہوگی۔ اب دیکھنا یہ ہے کہ ’مردانی 3‘ دوسرے ہفتے میں باکس آفس پر کس طرح کی کارکردگی دکھاتی ہے۔
