ممبئی / آواز دی وائس
جب میں بہت چھوٹی تھی، تب ہی ہمیں کشمیر چھوڑ کر بھاگنا پڑا۔ میرے والدین نے ایک سوٹ کیس کے ساتھ یہ سوچ کر گھر چھوڑا کہ شاید کچھ دن کی بات ہے، لیکن اب 35 سال گزر چکے ہیں اور ہم آج تک کشمیر واپس نہیں جا سکے۔ کشمیر میں ہمارا ایک بڑا سا گھر اور کھلا آسمان تھا، مگر دہلی، ممبئی اور بنگلور میں ہماری زندگی ایک کمرے تک محدود ہو گئی۔ میرے والدین نے زیرو سے شروعات کرکے ہمیں اچھی تربیت دی۔
میں ایک ماہ کی تھی جب ہم کشمیر سے نکلے۔ میری والدہ وہاں ایک اسکول میں پرنسپل تھیں۔ ہمارا بچپن دہلی، بنگلور اور ممبئی میں گزرا۔ والدین نے ہماری تعلیم پر بھرپور توجہ دی۔ میں نے سینٹ زیویئرز کالج سے بی بی ایم کیا۔ میری زندگی پوری پلاننگ کے ساتھ چل رہی تھی کہ یوٹی وی کے ساتھ کچھ سال کام کرکے ایم بی اے کروں گی، لیکن قسمت کو کچھ اور ہی منظور تھا۔
پہلا آڈیشن اور بھولا ہوا ڈائیلاگ
کالج میں میں اشتہارات میں کام کرتی تھی۔ راجشری پروڈکشن کے کاسٹنگ ڈائریکٹر وکی سادانا نے مجھے آڈیشن کے لیے بلایا۔ مجھے فلمی آڈیشن کا کوئی تجربہ نہیں تھا۔ انہوں نے ایک پرانی فلم کا مونولاگ دیا، جسے یاد کرکے جانا تھا۔ میں پہلی ٹیک میں ہی سب کچھ بھول گئی۔ بہت گھبرا گئی تھی، مگر دوبارہ حوصلہ کر کے آڈیشن مکمل کیا۔
کچھ ہفتوں بعد دوبارہ بلایا گیا اور ایک دن مکمل ٹیسٹ ہوا۔ ہمیں معلوم نہیں تھا کہ سورج بڑجاتیا ہمیں پروجیکشن روم سے دیکھ رہے تھے۔ دو ہفتے بعد سورج بڑجاتیا کا فون آیا: ہمیں آپ کا آڈیشن بہت پسند آیا، اگر اسکرپٹ پسند آئے تو فلم کیجئے گا۔" یوں میری پہلی فلم "اسی لائف میں" بنی۔
فلمی دنیا کے لیے تیار نہیں تھی
مجھے لگا ہر فلم سیٹ راجشری جیسا ہوگا۔ لیکن حقیقت میں ایسا نہیں تھا۔ میں نان-فلمی بیک گراؤنڈ سے تھی، کوئی گائیڈ کرنے والا نہیں تھا۔ میں انڈسٹری کو سمجھنے میں 4-5 سال لگا دیے۔ پہلی فلم کے فلاپ ہونے پر لوگ مجھے ناقابلِ استعمال سمجھے۔ کئی بار ایسا کام بھی کیا جو دل نہیں مانتا تھا۔
سلمان خان نے پہچانا ٹیلنٹ
فلم کے دوران سلمان خان سے ملاقات ہوئی۔ انہوں نے میرے سین دیکھے اور کہا: تم میں کچھ بات ہے۔ یہی تعریف شاید مجھے "دبنگ 2" دلوانے کا سبب بنی۔ بعد میں میں آسٹریلیا چلی گئی، وہاں ایکٹنگ اور تھیٹر کی تعلیم حاصل کی۔ دو سال بعد سلمان خان کی فلم "دبنگ 2" اور پھر "ہیروپنتی" میں کام کیا۔
او ٹی ٹی پر نئی شناخت ملی
۔2019 میں میں واپس ممبئی آئی۔ او ٹی ٹی کا دور تھا۔ کووِڈ کے دوران مجھے بیک ٹو بیک تین سیریز ملی: "ابھئے", "موم بھائی" اور "بسات"۔ حال ہی میں میری نئی سیریز "پیار کا پروفیسر" کو بہت پسند کیا جا رہا ہے۔
میرا خواب ہے کہ لوگ میرے ٹیلنٹ کی بنیاد پر مجھے پہچانیں، نہ کہ میرے پس منظر پر۔
