ممبئی/ آواز دی وائس
ہاؤس فل' سیریز کی پچھلی فلموں نے ناظرین کو خوب ہنسایا تھا، لیکن 'ہاؤس فل 5' اس بار اس معاملے میں پیچھے رہ گئی ہے۔ سوشل میڈیا پر ناظرین اس فلم سے مایوسی کا اظہار کر رہے ہیں۔ 24 کروڑ روپے سے اپنی شروعات کرنے والی اس فلم کی کمائی ساتویں دن میں آ کر کافی کم ہو گئی ہے۔
ساتویں دن کی کمائی کیا رہی؟
اب تک ملنے والے ابتدائی اعداد و شمار کے مطابق فلم 'ہاؤس فل 5' نے ساتویں دن تقریباً 5.03 کروڑ روپے کا بزنس کیا ہے۔ یہ کمائی بدھ یعنی چھٹے دن کی کمائی 8.5 کروڑ روپے سے کم ہے۔
۔125 کروڑ کی کل کمائی، مگر بجٹ بہت بڑا
فلم کی کل کمائی اب تک 125.28 کروڑ روپے ہو چکی ہے۔ کچھ میڈیا رپورٹس کے مطابق فلم کا بجٹ 250 کروڑ روپے ہے۔ جس رفتار سے فلم کی کمائی کم ہو رہی ہے، اس سے لگتا نہیں کہ فلم جلدی اپنا خرچ نکال پائے گی۔ ناظرین کی مایوسی دیکھ کر بھی یہی لگتا ہے کہ مستقبل میں 'ہاؤس فل 5' کی طرف ان کا رجحان کم ہوتا جائے گا۔
مسالا فلم کا جادو نہیں چلا
فلم میں ہر طرح کا مسالا موجود تھا — گلیمر، کامیڈی، شاندار سیٹ، خوبصورت لوکیشنز اور ایک نہیں بلکہ دو اینڈنگز (خاتمے) کا منفرد آئیڈیا۔ اس کے باوجود فلم ناظرین کو اپنی طرف کھینچنے میں ناکام رہی۔ سوشل میڈیا پر تو فلم کی ٹرولنگ بھی شروع ہو گئی ہے۔
ملٹی اسٹار کاسٹ کے باوجود ناکامی
فلم 'ہاؤس فل 5' میں اکشے کمار کے ساتھ رتیش دیش مکھ، ابھیشیک بچن، نرگس فخری، جیکولین فرنینڈس، نانا پاٹیکر، جیکی شراف، سنجے دت اور جانی لیور جیسے کئی مشہور اداکار شامل ہیں۔ فلم کی ہدایتکاری ترون منسکھانی نے کی ہے اور ساجد ناڈیاڈوالا اس کے پروڈیوسر ہیں۔
مگر اتنی بڑی کاسٹ اور پروڈکشن کے باوجود فلم ناظرین کی توقعات پر پوری نہیں اتر سکی۔
